О́skemende balalar úıiniń tárbıelenýshilerine arnalǵan páterde qalalyq ákimdiktiń qyzmetkerleri turady, dep habarlaıdy Egemen.kz
Sheneýnikterdiń páterde zańsyz turyp jatqanyn qaladaǵy qoǵam belsendileri anyqtaǵan. Olardyń aıtýynsha, О́skemende mundaı jaǵdaı alǵash ret bolyp turǵan joq. Jetimder birneshe ret turǵyn úı salasyndaǵy astyrtyn áreketterge birneshe ret shaǵymdanǵan jáne arnaıy komıssııa quramyna kirgen.
Olar Turǵyn úı qatynastary bóliminiń qyzmetkerleri, polıseıler jáne PIK ókilderimen birge 102 páterdi tekserip, birneshe zańbuzýshylyqty anyqtady. Jetimderge arnalǵan 15 páter jarty jyldan asa ýaqyt boıy bos tur. Olardyń 10-y úshinshi tulǵalarǵa jalǵa beriledi, al ekeýi "qaǵaz júzinde" balalar úıiniń kámelet jasyna tolmaǵan tárbıelenýshilerine berilgen, biraq is júzinde ol jerde basqa adamdar turady."Páterlerdiń birinde memlekettik qyzmetshi turady, ıaǵnı bala áli kámelet jasyna tolmaǵandyqtan balalar úıinde jáne ol jerde bóten adam turyp jatyr. Taǵy jalǵa berý sharty buzylǵan. Qalanyń ákimi bizge mán bermeıdi. Kóp adam bolyp kirsek, qabyldap qalar jáne kómektesedi degen úmittemiz", - dedi balalar úıiniń túlegi Aleksandra Talhıgova.