Atyraý qalalyq ákimdigi baspasóz qyzmetiniń aqparatyna súıensek, memlekettik-jekeshelik áriptestik baǵdarlamasy aıasynda qalany kógaldandyrý jumystaryn jeke serikteske berý jóninde sheshim qabyldanyp otyr, dep habarlaıdy Egemen.kz.
«Jobany iske asyrý merzimi – 5 jyl, jalpy somasy – 4,69 mlrd teńgeden astam. Bıyl «Atyraý qalasyn kógaldandyrý» memlekettik-jekeshelik áriptestik jobasy aıasynda 375 myń gúl egildi. Qalanyń 38 kóshesinde, 15 saıabaǵy men alańynda egilgen óskinderge, aǵashtarǵa, alańy 40 612 sharshy metr gúlzarlarǵa, butaly qorshaýlarǵa kútim jasalady. Sorǵy stansııalary men sýarý júıelerine kezeń-kezeńimen aǵymdaǵy jóndeý júrgizilýde. Bıyl 2019 jylmen salystyrǵanda aǵashtardyń jalpy sany memlekettik-jekeshelik áriptestik baǵdarlamasy boıynsha 5 154-ke ǵana ulǵaıdy. Kúzgi kezeńge uzyndyǵy 700 qýma metr butaly qorshaý otyrǵyzý josparlanǵan. Sondaı-aq, qalanyń tarıhyn qalpyna keltirý maqsatynda 1,5 ga alańda «Sýtıagın baǵy» atalatyn jemis baǵy jandandy. Jeńis saıabaǵy aýmaǵynda jemis aǵashtary egildi. Qazir oyń 900-i tamyr jaıdy», dep habarlady qalalyq ákimdiktiń baspasóz qyzmeti.
Sondaı-aq, bıyl qalanyń 12 kóshesinde 200 shaqyrymdyqsýarý jelisin jańǵyrtý aıaqtalady. Ekologııa, geologııa jáne tabıǵı resýrstar mınıstrligi jáne qala jurtshylyǵymenbirge kompanııalarǵa Atyraý qalasynyń aýmaǵynda jasyl jelekterdi otyrǵyzýdy, ósirýdi mindetteıtin jol kartasy qabyldandy. Bul úshin olarǵa jer telimderi bólinedi.