Bıyl Qazaqstanda Naýryz merekesi múlde jańa, joǵary tehnologııalyq formatta ótti. Dástúrli kıiz úılerdiń ornyna VR-aımaqtar men jasandy ıntellekt jobalary bar sıfrlyq keńistikter uıymdastyryldy, dep habarlaıdy Egemen.kz.
Ádettegi ulttyq oıyndar da jańasha sıpat alyp, «Robot kúresi» jáne «robot-kókpar» sııaqty robototehnıka týrnırlerine ulasty. Qala kóshelerinde vıdeoavatarlar men LED-týnnelder ornatylyp, merekelik atmosfera zamanaýı tehnologııalarmen tolyqtyryldy.
Keıbir oryndarda ulttyq taǵamdardy jetkizý drondarǵa senip tapsyryldy. Sonymen qatar, merekelik baǵdarlama aıasynda hakatondar, Baursaq Pitch startap-jobalaryn tanystyrý alańdary jáne jastarǵa arnalǵan jasandy ıntellekt boıynsha bilim berý ıntensıvteri ótti.
Elorda teatrynyń Naýryzdaǵy balalarǵa bazarlyǵyOsylaısha, Naýryz merekesi bıyl tek dástúrli emes, úlken tehnologııalyq festıvalge aınalyp, kópshilikti erekshe formatymen tańǵaldyrdy.