Naýryznama aıasynda elimiz boıynsha 7 myńnan astam is-shara ótti, olar barlyq óńirdi qamtydy. 10 kúndik merekege jalpy 4,2 mln adam qatyssa, onyń ishinde negizgi kúnderi – 21-22 naýryzda – shamamen 1,5 mln adam qamtyldy. Sonymen qatar, BAQ pen áleýmettik jelilerdegi jarııalanymdar arqyly jalpy onlaın qamtý 14 mln jeli paıdalanýshyny qamtydy.Sıfrlyq formatqa erekshe nazar aýdaryldy. Digital Nauryz bastamasy aıasynda 1 myńnan astam is-shara júzege asyrylyp, biryńǵaı sıfrlyq platformaǵa 80 myńnan astam qoldanýshy tartyldy.Jańa modeldiń negizgi elementteriniń biri – «sıfrlyq kıiz úıler». Munda dástúrli mádenıet zamanaýı tehnologııalar arqyly usynyldy. LED-kontent, VR-aımaqtar, AI-jobalar, 3D-prınterler jáne ınteraktıvti sheshimder qoldanyldy. Osyǵan uqsas sıfrlyq formattar mýzeılerge, teatrlarǵa jáne qoǵamdyq keńistikterge de engizildi. Onda vıdeo-avatarlar, LED-týnnelder jáne mýltımedııalyq ınstallıasııalar ornalastyryldy.Birqatar óńirde buǵan deıin buqaralyq mádenı is-sharalarda qoldanylmaǵan tehnologııalyq sheshimder iske asty. Atap aıtqanda, ulttyq taǵamdardy drondar arqyly jetkizý, robottandyrylǵan ulttyq oıyndar (sonyń ishinde robot-kókpar), sondaı-aq ınteraktıvti AI-aımaqtar bar.
Naýryznama: Búgin – Jańarý kúniSonymen qatar, bilim berý jáne IT baǵyty belsendi damydy. Naýryznama aıasynda AI Nauryz, RoboShanyraq, hakatondar, GenAI Cup (startap-pıtchıng), IT-forýmdar, IT Quiz jáne startap-prezentasııalar ótti. Drone Lab Naýryz jobasy, Baursaq Pitch startaptar baıqaýy júzege asyryldy. Sondaı-aq bilim berý bastamalary qolǵa alyndy: komıks jasaýǵa arnalǵan AI Bootcamp, oqýshylarǵa arnalǵan GameDev-hakatondar jáne «Robot kúresi» robototehnıka týrnırleri uıymdastyryldy.
Yntymaq kúni: Qazaqstanda Naýryznama onkúndiginiń segizinshi kúni toılanyp jatyrJobanyń mańyzdy bóligi – joǵary oqý oryndary, mýzeıler jáne IT-habtar arasyndaǵy yntymaqtastyq. Bul áriptestik mádenı ortaǵa sıfrlyq formattardy engizýge jáne jastardyń tehnologııalyq quzyretterin damytýǵa baǵyttaldy.Jańa modeldi iske asyrýda óńirlerdiń róli erekshe boldy. Onda sıfrlyq kún tártibi dástúrli merekelik formattarmen úılesimdi túrde biriktirildi. Astana men Almatyda AI-aımaqtar, VR-keńistikter jáne robottandyrylǵan sheshimder usynylǵan aýqymdy tehnologııalyq alańdar uıymdastyrylyp, is-sharalar júzdegen myń adamdy qamtydy. Shymkentte IT-qoǵamdastyqty damytýǵa basymdyq berilip, startaptar men qurastyrýshflardyń qatysýymen digital-meetup jáne tehnologııalyq festıvalder ótkizildi.Elimizdiń basqa óńirlerinde de túrli jańa formattaǵy sharalar ótti. Mysaly, Mańǵystaý men Qyzylorda oblystarynda «sıfrlyq kıiz úıler» uıymdastyrylsa, Pavlodar, Qaraǵandy jáne Shyǵys Qazaqstan oblystarynda AI-vorkshoptar men hakatondar ótkizildi.Aqtóbe oblysynda is-sharalar ondaǵan myń adamdy qamtyp, mádenı jáne tehnologııalyq baǵyttardy qatar qamtydy. Al Almaty oblysynda on kúndik mereke kezinde qatysýshylar sany jarty mıllıonnan asty.Osylaısha, Qazaqstandaǵy Naýryz dástúrli mereke sheńberinen shyǵyp, mádenıet, tehnologııa jáne qoǵamdy biriktiretin aýqymdy platformaǵa aınaldy. Jańa model ulttyq dástúrlerdiń saqtalyp qana qoımaı, sıfrlyq dáýirge beıimdele otyryp, damı alatynyn kórsetedi.