Astanada Halyqaralyq balalardy qorǵaý kúnine arnalǵan aýqymdy merekelik baǵdarlama ázirlendi. Bıyl elordada balalar men olardyń ata-analaryna arnalǵan 100-ge jýyq is-shara ótkizý josparlanyp otyr. Baǵdarlama ártúrli jas sanatyndaǵy balalardyń qyzyǵýshylyǵyna saı alty baǵytqa bólingen, dep habarlaıdy Egemen.kz.
Alǵashqy «Besik álemi» blogy úsh jasqa deıingi búldirshinderge arnalǵan. 1 maýsym kúni Jastar saıabaǵynda dástúrli «Arba FEST» arbalar sherýi ótedi. Prezıdent saıabaǵynda eńbekteıtin sábıler arasynda «Shapshań bóbek» sporttyq jarysy uıymdastyrylady. Sonymen qatar qala saıabaqtarynda «Baqyt mekeni» otbasylyq fotoaımaqtary men «Bala álemi» damytýshy oıyn alańdary jumys isteıdi.
3-6 jas aralyǵyndaǵy balalarǵa arnalǵan «Balapan álemi» blogy aıasynda 25 mamyr men 1 maýsym aralyǵynda sýdaǵy, kóshedegi jáne ınternettegi qaýipsizdik erejelerine arnalǵan tanymdyq ári oıyn formatyndaǵy is-sharalar ótedi.
1 maýsym kúni saǵat 12:00-de III Halyqaralyq kloýndar festıvali bastalady. Festıval qatysýshylary «Báıterek» monýmentinen Ǵashyqtar saıabaǵyna deıin sherý jasap ótedi. Al keshki saǵat 17:00-de Amfıteatrda merekelik konsert uıymdastyrylady.
Konstıtýsııalyq Sot: Balalardyń zańdy múddelerin qorǵaý – basym baǵyt
Saǵat 10:00-den 18:00-ge deıin elordalyq emhanalarda balalarǵa arnalǵan tis dárigerleriniń profılaktıkalyq tekserýi boıynsha ashyq esik kúni ótedi.
Saǵat 12:00-de Kirpishti turǵyn alabynda, al saǵat 13:00-de О́ndiris turǵyn alabynda «Kóńildi starttar» jarysy uıymdastyrylady. Sonymen qatar saǵat 15:00-de «Han Shatyr» saýda oıyn-saýyq ortalyǵynda balalar sán kórsetilimi ótedi.
№64 mektep-lıseıinde «Álem balalar kózimen» atty ashyq aspan astyndaǵy shyǵarmashylyq baıqaý ótse, Tehnıkalyq jáne kórkem shyǵarmashylyq ortalyǵynda balalar jumystarynyń kórmesi men sheberlik sabaqtary uıymdastyrylady. Qalalyq alańda konserttik baǵdarlama usynylady.
11-14 jas aralyǵyndaǵy balalarǵa arnalǵan «Jas órken» blogy aıasynda 25 mamyr men 1 maýsym aralyǵynda Ortalyq saıabaqta, Prezıdent saıabaǵynda jáne «Jetisý» saıabaǵynda qaýipsizdik taqyrybyndaǵy «Baqytty balalyq úshin» aksııasy ótip jatyr.
M.О́temisuly atyndaǵy Oqýshylar saraıynyń alańynda «Bala energy» open-air festıvali, al «ARQA ALAN» ulttyq sport túrlerin damytý ortalyǵynda «Ethno Games ArqaLan» festıvali ótedi.
Jasóspirimderge arnalǵan «Bolashaqqa qadam» blogy aıasynda «Astana FIDA Drone Soccer Championship» halyqaralyq dron-fýtbol chempıonaty uıymdastyrylady. Sondaı-aq Amfıteatr sahnasynda «QosymshaFest» festıvali ótse, qalalyq alańda opera jáne balet teatrymen birlesken «Túrli-tústi mozaıka» baıqaýy ótedi.
Balalardy qorǵaý kúni: Prezıdent tapsyrmalary qalaı júzege asyrylyp jatyr?
1 maýsym kúni tańǵy saǵat 09:00-de Ortalyq saıabaqtaǵy shańǵy-roller trassasynda otbasylyq Kids RUN jarysy bastalady. Prezıdent saıabaǵynda «Otbasy – baqyt mekeni» sýret salý sabaǵy ótse, Ailand otbasylyq demalys ortalyǵynda merekelik konsert uıymdastyrylady.
Sonymen qatar mereke qarsańynda elordadaǵy birqatar mekenjaıda jańartylǵan balalar oıyn jáne sport alańdarynyń saltanatty ashylýy josparlanǵan.
Promyshlennyı, Internasıonalnyı, Mıchýrıno jáne Kúıgenjar turǵyn alaptarynda balalarǵa arnalǵan konsertter men ınteraktıvti baǵdarlamalar ótedi.
Prezıdent saıabaǵynda oıyndar, baıqaýlar men anımatorlardyń qatysýymen merekelik baǵdarlama uıymdastyrylady. Erekshe bilim berý qajettilikteri bar balalardyń konserti jáne «Bolashak» ınklıýzıvti teatrynyń sán kórsetilimi de kópshilik nazaryna usynylady.
Sondaı-aq 1 maýsym kúni «Bereke Astana» ońaltý ortalyǵynyń saltanatty ashylýy ótedi. Ortalyq saıabaqtaǵy Ulttyq tennıs ortalyǵy mańynda «Bala Fest» balalar sporttyq oıyndary festıvali uıymdastyrylady.
Memleket basshysy Halyqaralyq balalardy qorǵaý kúnimen quttyqtady
2 maýsym kúni Jastar saraıynda Balalardy qorǵaý kúnine jáne «Otbasylyq aýla klýby/Zamandas jastar kovorkıngi» jobasynyń 15 jyldyǵyna arnalǵan konsert ótedi.
Budan bólek, 1 maýsymnan bastap Astanadaǵy mektep janyndaǵy jazǵy lagerler óz jumysyn bastaıdy.