«Qazgıdromet» taratqan aqparatqa sáıkes, atmosferalyq frontaldy bólikterdiń ótýine baılanysty respýblıkanyń basym bóliginde aýa raıy qubylmaly bolady, naqty aıtqanda jańbyr jaýyp, naızaǵaı kútiledi, dep habarlaıdy Egemen.kz.
2 maýsymda Pavlodar oblysynda, 3 maýsymda Atyraý jáne Mańǵystaý oblystarynda, 3-4 maýsymda Aqtóbe oblysynda, 4 maýsymda Qostanaı oblysynda qatty jańbyr jaýady dep boljanyp otyr. Keı jerlerde burshaq túsip, ekpindi jel soǵýy múmkin.
Qazaqstanda jaz aılarynda aýa raıy qandaı bolady? Sınoptıkter boljamy
Respýblıka boıynsha jeldiń kúsheıýi kútiledi, al ońtústik-batys pen ońtústik óńirlerde shańdy daýyl bolýy yqtımal.
«Kúndizgi aýa temperatýrasy batysta +23…+28°S-qa deıin joǵarylaıdy. Soltústik-batysta aýa temperatýrasy +13…+26°S-qa deıin tómendeıdi. Soltústik óńirlerde +25…+32°S-qa deıin, respýblıkanyń ortalyǵy men shyǵysynda +27…+36°S-qa deıin joǵarylaıdy. Al ońtústik jáne ońtústik-shyǵys óńirlerde aýa temperatýrasy sál tómendep, +25…+35°S shamasynda bolady», delingen habarlamada.
Al, búgin elimizdiń basym bóliginde aýa raıy qubylmaly bolatyny týraly jazǵanbyz.