Malaızııa bıligi 16 jasqa tolmaǵan balalardyń áleýmettik jelilerde akkaýnt ashýyna tyıym salatyn jańa talaptardy engizdi. Bul týraly eldiń Baılanys jáne mýltımedıa komıssııasy málimdedi, dep jazady Egemen.kz.
Jańa ereje kámeletke tolmaǵandardy ınternettegi zııandy kontentten qorǵaýǵa baǵyttalǵan. Osylaısha Malaızııa balalardyń qaýipsizdigi men densaýlyǵyna áleýmettik jelilerdiń áserine alańdaýshylyq bildirip otyrǵan elderdiń qataryna qosyldy.
1 maýsymnan bastap Facebook, Instagram, TikTok jáne YouTube sekildi platformalar jańa paıdalanýshylardyń jasyn memlekettik derekqorlar arqyly tekserýge mindetti. Eger áleýmettik jeliler bul talaptardy oryndamasa, olarǵa 10 mıllıon rınggıtke deıin (shamamen 2,5 mıllıon dollar) aıyppul salynýy múmkin.
TikTok-qa telmirgen tolqyn: Balalar qansha ýaqytyn áleýmettik jelide ótkizedi?
Malaızııanyń Baılanys jáne mýltımedıa komıssııasy bul shara balalardyń ınternetke nemese tehnologııalarǵa qoljetimdiligin shekteý úshin engizilmegenin atap ótti.
«Basty maqsat – kámeletke tolmaǵandardyń ınternettegi qaýipsizdigin qamtamasyz etýge áleýmettik jelilerdiń, ata-analar men qamqorshylardyń jaýapkershiligin arttyrý», delingen resmı habarlamada.
Sondaı-aq áleýmettik jeliler qoldanystaǵy paıdalanýshylardyń jasyn alty aı ishinde kezeń-kezeńimen tekserýden ótkizýi tıis.
Eýroodaq balalardyń áleýmettik jelige kirýin shekteýdi josparlap otyr
Sońǵy jyldary Malaızııada zııandy ınternet-kontenttiń kúrt kóbeıýine baılanysty bılik áleýmettik jeli platformalaryna baqylaýdy kúsheıtip keledi. El bıligi ultaralyq jáne dinaralyq arazdyqty qozdyrýǵa baǵyttalǵan materıaldarǵa, sondaı-aq monarhııany synaıtyn kontentke qarsy sharalardy da qatańdatyp otyr.