Qazaqstanda 10 mamyrda bastalǵan negizgi Ulttyq biryńǵaı testileý jalǵasyp jatyr. Úsh aptanyń qorytyndysy boıynsha talapkerler 139 myńǵa jýyq ret UBT tapsyrǵan. Testileýge qatysýshylardyń 71 paıyzy qazaq tilin tańdasa, 29 paıyzy orys tilin, al 259 talapker aǵylshyn tilin tańdaǵan, dep habarlaıdy Egemen.kz.
Aldyn ala málimetterge sáıkes, talapkerlerdiń 67 paıyzy shekti ball jınaǵan. Bes pán boıynsha ortasha kórsetkish 65 baldy qurady. Eń joǵary nátıje – 140 ball. Bul kórsetkishke Pavlodar oblysynyń túlegi Áset Altaır qol jetkizdi.
Pavlodarlyq oqýshy UBT-dan 140 ball jınady
Erekshe bilim berý qajettilikteri bar talapkerler úshin de qajetti jaǵdaılar jasalǵan, bıylǵy testileýge osy sanattaǵy 392 bilim alýshy qatysty.
Talapkerler test tapsyrmalarynyń mazmunyna qatysty testileý aıaqtalǵannan keıin 30 mınýt ishinde apellıasııaǵa ótinish bere alady. Al tehnıkalyq sebepter boıynsha apellıasııalar testileý barysynda qabyldanady, nátıjeler boıynsha, sertıfıkattar apellıasııa rásimi aıaqtalǵannan keıin jeke kabınetterde jarııalanady.
Esik qalasynda túlekter ınternettiń óshýine baılanysty UBT-ny qaıta tapsyrady
UBT ótkizilgen úsh apta ishinde 283 ereje buzýshylyq tirkeldi. Onyń ishinde 168 talapker smartfon, smart kózildirik, mıkroqulaqqap, shpargalka jáne basqa da tyıym salynǵan zattardy alyp kirmek bolǵany úshin testileýden shettetilgen. Sondaı-aq 115 adam testileý kezinde tártip buzǵany úshin aýdıtorııadan shyǵarylyp, olardyń nátıjeleri joıylǵan. Basqa adamnyń ornyna test tapsyrý derekteri anyqtalmaǵan. UBT aıaqtalǵannan keıin osy jyldyń 31 qazanyna deıin beınejazbalarǵa taldaý júrgiziledi. Erejelerdi buzý nemese tyıym salynǵan zattardy paıdalaný faktileri anyqtalǵan jaǵdaıda talapkerlerdiń nátıjeleri joıylady.
UBT kezinde jaryq óship qalsa, túlekterdiń nátıjesi qalaı baǵalanady? Mınıstr jaýap berdi
Eske salsaq, bıyl UBT-ǵa qatysý úshin eki múmkindik boıynsha 240 myńǵa jýyq talapkerden 446 myńnan astam ótinish qabyldanǵan.
Gaýhar ORAZǴALIEVA,
EUÝ stýdenti