Almaty oblysynda 29 jastaǵy er adamdy áriptesteri azaptap, tiri kúıinde jerge kómip ketken. Bul týraly marqumnyń týysy Threads áleýmettik jelisinde jazdy, dep habarlaıdy Egemen.kz.
Jazbada Almaty oblysynyń turǵyny 29 jastaǵy baýyrynyń 23 mamyr kúni jumysqa ketip, úıine oralmaǵanyn jazǵan. Týystary birneshe kún boıy izdeý júrgizip, 27 mamyr kúni onyń máıiti tabylǵanyn bilgen.
Onyń aıtýynsha, er adamnyń denesi ózi jumys istegen demalys aımaǵynyń mańynan tabylǵan.
«Ony birge jumys istegen áriptesteri óltirgen. Bir tún boıy azaptaǵan. Úsheýi bir adamǵa shabýyl jasap, taspen urǵan. Keıin tiri kúıde jerge kómip tastaǵan», dep jazdy marqumnyń ápkesi.
Almaty oblystyq polısııa departamentiniń málimetinshe, 27 mamyr kúni Uıǵyr aýdandyq polısııasyna er adamnyń joǵalyp ketkeni týraly aryz túsken.
«Adam óltirý jáne qylmysty jasyrý faktileri boıynsha qylmystyq ister qozǵaldy. Eki kúdikti qamaýǵa alyndy. Úshinshi adamǵa qatysty prosessýaldyq sheshim tergeý nátıjesine qaraı qabyldanady», delingen habarlamada.
Aqmola oblysynda áıeldi azaptap óltirgen er adam 24 jyldan keıin sottaldy
Aldyn ala málimet boıynsha, demalys aımaǵynda alkogol iship otyrǵan birneshe adam arasynda janjal týyndaǵan. Saldarynan jábirlenýshi soqqyǵa jyǵylyp, qylmysty jasyrý maqsatynda jerge kómilgen.
Eske sala keteıik, buǵan deıin Almaty oblysynyń Talǵar aýdanynda ákesine quran baǵyshtaımyn dep barǵan 24 jastaǵy Nura aýylynyń turǵyny kisi qolynan qaza tapqan edi.