Almaty qalasyndaǵy Ál-Farabı dańǵylynda bolǵan jol-kólik apaty boıynsha basty sot prosesi bastaldy, dep habarlaıdy Egemen.kz.
Sotta aıyptalýshy Aleksandr Pak ózine taǵylǵan kináni tolyq moıyndaıtynyn málimdedi.
Ol Qazaqstan Respýblıkasynyń Qylmystyq kodeksiniń 345-1-baby 4-bóligi boıynsha aıyptalyp otyr. Bul bap mas kúıinde kólik júrgizip, abaısyzda eki nemese odan da kóp adamnyń ólimine sebep bolý deregin qarastyrady.
Qaıǵyly jol apaty 21 naýryzǵa qaraǵan túni Almatydaǵy ál-Farabı dańǵylynda boldy. Apat saldarynan Mercedes júrgizýshisi jáne kóliktegi 20 jáne 22 jastaǵy eki qyz qaza tapty. Aıyptalýshy mas kúıde kólik tizgindegen.
Eske sala keteıik, buǵan deıingi sot otyrysynda kináli qaza tapqandardyń otbasynan keshirim suraǵan bolatyn.