Ýkraına prezıdenti Vladımır Zelenskıı Reseımen qaqtyǵysty dıplomatııalyq jolmen retteý úshin aldaǵy qysqa deıin kelissózder júrgizý qajet ekenin málimdedi, dep habarlaıdy Egemen.kz.
CBS telearnasyna bergen suhbatynda Zelenskıı 2025 jyldyń sońynan bastap Reseı maıdan dalasyndaǵy kúshin joǵalta bastaǵanyn aıtyp, qazirgi jaǵdaı kelissózderge múmkindik berip otyrǵanyn jetkizdi.
«Qazir olar bir aı ishinde biz azat etip jatqan aýmaqtan artyq jerdi basyp ala almaıdy. Sondyqtan kelesi qysqa deıin dıplomatııalyq kelisimge jol tabýymyz kerek. Biraq bul Reseı qoǵamynyń Vladımır Pýtınge jasaıtyn ishki qysymyna, sondaı-aq AQSh pen Eýropanyń Reseıge qarsy sanksııalyq rejımine baılanysty», dedi Ýkraına basshysy.
Zelenskııdiń aıtýynsha, kelissózderge Eýropa elderiniń ókilderi de qatysýy tıis. Ol yqtımal deldaldar retinde Ulybrıtanııa, Fransııa jáne Germanııadan turatyn E3 formatyn atady. Sonymen qatar Túrkııanyń da araǵaıyndyq ról atqarýǵa múddeli ekenin atap ótti.
Zelenskıı keńsesiniń burynǵy basshysy qamaýdan bosap shyqty
«E3 formatyndaǵy elder Eýropa atynan kelissóz júrgize alar edi. Sondaı-aq Soltústik Eýropadaǵy senimdi seriktesterimiz bar. Túrkııa da árdaıym deldal bolýǵa nıet tanytyp keledi. Olardyń kómegimen áskerı tutqyndardy qaıtarýda belgili bir nátıjelerge qol jetkizdik», dedi Zelenskıı.
Sondaı-aq Ýkraına prezıdenti bitimgerlik kelissózderge qatysatyn úshinshi tarapty Kıev pen eýropalyq seriktester birlesip sheshýi qajet ekenin aıtty.
Eske sala keteıik, buǵan deıin Ýkraına prezıdenti Reseı basshysymen Máskeýden basqa kez kelgen beıtarap aýmaqta kezdesýge ázir ekenin málimdegen bolatyn.