Sońǵy ýaqytta áleýmettik jelilerde Qarjylyq monıtorıng agenttigi messendjerler men áleýmettik jelilerdegi jeke hattardy tolyq baqylaýǵa alady degen aqparat tarady. Alaıda Qarjylyq monıtorıng agenttigi bul málimetterdiń shyndyqqa janaspaıtynyn túsindirdi, dep habarlaıdy Egemen.kz.
Dezınformasııaǵa qarsy ortalyqtyń málimetinshe, jańa erejeler tek ashyq, ıaǵnı barshaǵa qoljetimdi aqparatty baqylaýǵa qatysty. Bul – jarııa jazbalar men reposttar, ásirese qarjy pıramıdalaryn jarnamalaý, onlaın-kazıno men zańsyz lotereıalardy nasıhattaý sııaqty kontentterge baǵyttalǵan.
Al azamattardyń jeke hat-habarlaryn baqylaý bul erejelerde múldem qarastyrylmaǵan. Sondyqtan jeke hattarǵa tyńshylyq jasalady degen aqparat – manıpýlıasııa jáne jalǵan málimet.
Referendým: Jelide jalǵan aqparattyq shabýyldar tirkelip jatyr
Buǵan deıin agenttik ókilderi zańsyz onlaın-kazınony jarnamalaıtyn blogerlerge qatysty qylmystyq jaýapkershilik engizýdi usynǵan bolatyn. Sonymen qatar, Qasym-Jomart Toqaev qarjy pıramıdalaryna adamdardy tartatyn tulǵalardy qatań jazalaý qajettigin atap ótken.