Búgin Sybaılas jemqorlyqqa qarsy is-qımyl agenttigi Almatyda ótken onlaın-brıfıng barysynda planshetterdi táýelsiz saraptaý nátıjeleri týraly aıtyp ótti, dep habarlaıdy Egemen.kz
Oqýshylardyń ata-analary mektepten alǵan planshetterdiń tehnıkalyq talapqa saı emestigin aıtyp, zańdy organdarǵa shaǵymdanǵan. Sóıtip túrli aqaýlar tabylǵan alty qurylǵyǵa dıagnostıka jasalyp, keıin olardyń talapqa saı emestigi anyqtaldy.
"1019 planshetten zaýyttyq aqaý anyqtaldy. Munyń bári jetkizýshige berildi, olar tehnıkalardy aýystyrýǵa mindetteme berdi", dedi respýblıkalyq arnaıy baqylaý toby tóraǵasynyń orynbasary Rafael Hasanov.
Almatyda barlyǵy 22 myń planshet satyp alynǵan. Olardyń árqaısysy 60 myń teńge turady.