Nur-Sultan qalasynyń mamandandyrylǵan aýdanaralyq sotynda Aqtóbe oblysy ákiminiń burynǵy orynbasary Rýslan Mamýnovqa qatysty sot úkimi shyqty, dep habarlaıdy Egemen.kz
Ol Qylmystyq kodekstiń úsh baby boıynsha - alaıaqtyq, qylmystyq jolmen alynǵan aqshany jáne (nemese) ózge de múlikti jarııa etkeni (jylystatqany) jáne para berýge ıtermelegeni úshin aıyptaldy.
Eks-sheneýnik Qostanaıdyń eks-ákimi Ahmedbek Ahmetjanovtyń týystarynan 1,2 mıllıon dollardy zańsyz alǵany úshin kináli dep tanyldy.Aıyptaý qorytyndysyna sáıkes, Mamýnov bul aqshany alyp, 2016 jyly asa iri mólsherde para alǵany úshin sottalǵan Ahmetjanovqa úkimdi jeńildetý týraly kelisimge ýáde berdi. Alaıda Mamýnov oǵan Qostanaıdyń burynǵy ákiminiń áıeli men aǵasy bergen aqshany Nur-Sultanda eki Lexus avtokóligi men 2 bólmeli páter satyp alýǵa jumsaǵan.
Nur-Sultan qalalyq sotynyń sýdıasy Ádilhan Shaıhıslamov "Rýslan Mamýnov kináli dep tanylyp, oǵan ortasha qaýipsiz kolonııada jazasyn óteı otyryp, 12 jylǵa bas bostandyǵynan aıyrý jazasy taǵaıyndalsyn", dep úkim oqydy .