Qazaqstan Respýblıkasy Prezıdentiniń kómekshisi – Qaýipsizdik Keńesiniń hatshysy Áset Isekeshev Armenııa Respýblıkasy Qaýipsizdik Keńesiniń hatshysy Armen Grıgorıanmen telefon arqyly sóılesti, dep habarlady Prezıdenttiń baspasóz qyzmeti.
Armıan tarapynyń bastamasy boıynsha Qazaqstan Respýblıkasy Prezıdentiniń kómekshisi – Qaýipsizdik Keńesiniń hatshysy Áset Isekeshev Armenııa Respýblıkasy Qaýipsizdik Keńesiniń hatshysy Armen Grıgorıanmen telefon arqyly sóılesti.
Taraptar Taýly Qarabaq tóńiregindegi armıan-ázerbaıjan qaqtyǵysynyń ýshyǵýyna baılanysty ahýaldy talqylady.
Áset Isekeshev áriptesine Qazaqstan tarapynyń ahýaldy turaqtandyrý úshin barlyq sharany qabyldaý, kúshtik quraldardy paıdalanýdan bas tartý qajettigi, sondaı-aq máseleni tek saıası jáne dıplomatııalyq turǵydan sheshý týraly ustanymyn jetkizdi.