Kóliktegi bas memlekettik sanıtarlyq dáriger Sadýaqas Baıǵabylov 21 elden PTR testileý sertıfıkatynsyz kelgen qazaqstandyqtar aýrýhanalarda eki kún boıy oqshaýlanady dep málimdedi, dep habarlaıdy Egemen.kz
"Qazirgi ýaqytta Kóliktegi sanıtarlyq-epıdemıologııalyq qyzmettiń epıdemıologtary avıakompanııalardyń, áýejaılardyń jáne basqa da múddeli organdardyń ókilderimen birlesip, 2-sanattaǵy elderden (21 elden) Qazaqstanǵa qazannan bastap reıstermen keletin barlyq adamdarǵa qosymsha talaptardy engizý aıasynda jumysty uıymdastyrý boıynsha máselelerdi pysyqtap jatyr", dedi Baıǵabýlov.
Onyń aıtýynsha, avıakompanııalar Qazaqstanǵa bılet satyp alatyn jolaýshylarǵa COVID-19-ǵa qoıylatyn qosymsha talaptar týraly habarlaıdy.
"Sheteldik azamattarda memlekettik shekaradan ótý kezinde úsh táýlikten aspaıtyn merzimmen COVID-19 teris nátıjesi týraly kýálik bolýy kerek, áıtpese olar ushý áýejaıynan áýe kemesine qabyldanbaıdy.
Al Qazaqstan azamattary, kelgen kezde basqarmanyń anyqtamasy bolmaǵan jaǵdaıda, COVID-19 PTR analızi úshin aýrýhanada eki kúndik karantınge jabylady, dedi bas dáriger.