«Elektrondy shot-faktýralardyń aqparattyq júıesiniń «Vırtýaldy qoıma» modýli arqyly elektrondy shotfaktýralar jazyp beriletin taýarlardyń tizbesin bekitý týraly» Qazaqstan Respýblıkasy Premer-Mınıstriniń birinshi orynbasary – Qazaqstan Respýblıkasy Qarjy mınıstriniń 2019 jylǵy 23 sáýirdegi №384 buıryǵyna tolyqtyrýlar engizý týraly» Qazaqstan Respýblıkasy Qarjy mınıstriniń 2020 jylǵy 14 qyrkúıektegi №862 buıryǵymen «Vırtýaldy qoıma» modýlin qoldaný keńeıtildi.
Atalǵan buıryq elektrondy shot-faktýralardy jazyp berý arqyly Vırtýaldy qoımamen jumys isteýdiń qoldanystaǵy tetigin qoldanýǵa negizdelgen jáne halyqtyń áleýmettik osal toptaryn qorǵaý maqsatynda, sondaı-aq altyn/quramynda altyny bar kendi óndirýdi baqylaýdy kúsheıtý jáne onyń kóleńkeli aınalymyn azaıtý jónindegi Jol kartasyn iske asyrý maqsatynda dári-dármekter aınalymynyń, baǵa belgileýdiń memlekettik monıtorıngin qamtamasyz etý úshin ázirlengen.
«Vırtýaldy qoıma» modýli taýarlarynyń tizbesine dárilik zattar boıynsha SEQ TN 39 kody jáne quramynda altyn bar taýarlar boıynsha SEQ TN 12 kody engizildi.
Joǵaryda atalǵan taýar toptary úshin «Vırtýaldy qoıma» modýlinde EShF jazyp berý jónindegi mindetteme 2020 jylǵy 1 qazannan bastalady. Buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. 2020 jylǵy 17 qyrkúıekte buıryq QR NQA etalondy baqylaý bankinde elektrondy túrde resmı jarııalandy. 2020 jylǵy 28 qyrkúıekte buıryq kúshine enedi.
«Vırtýaldy qoıma» modýli arqyly EShF jazyp berý EShF AJ portalynda tegin usynylady. «Vırtýaldy qoıma» modýli arqyly EShF jazyp berý boıynsha tehnıkalyq fýnksıonal, EShF AJ-men jumys isteý kezinde qadamdyq is-qımyldar keltirilgen Paıdalanýshy nusqaýlyǵy, sondaı-aq tehnıkalyq qujattar Memlekettik kirister komıteti saıtynyń «EShF AJ» bóliminde ornalastyrylǵan. Bul týraly atalǵan komıtettiń baspasóz qyzmeti habarlady.