Bir jyl ishinde memlekettik qyzmetshilerge qatysty úsh myńnan astam shaǵym túsken. Bul týraly QR Memlekettik qyzmet isteri agenttigi resmı saýalǵa bergen jaýabynda habarlady, dep habarlaıdy Egemen.kz
Agenttik shaǵymdardyń kóp bóligi memlekettik qyzmetshilerdiń qyzmettik mindetterin tıisinshe oryndamaýy týraly kelip túsetindigin naqtylady.
Sonymen qatar, ótinishterdi qaraý tártibi jáne bos memlekettik laýazymdarǵa ornalasýǵa konkýrs ótkizý erejelerin buzý týraly shaǵymdar bar.
Bul tizimge kásibı etıka normalaryn buzý da engizilgen. Dóreki áreketteri úshin laýazymdy adamdar tártiptik jazaǵa tartylady.
"Joǵaryda atalǵan komıssııa otyrysynyń nátıjeleri boıynsha memlekettik qyzmetshiler - quqyq buzýshylyqtyń aýyrlyǵyna baılanysty - sógis, qatań sógis, tolyq emes qyzmettik sáıkestik týraly eskertý, qyzmetinen bosatý týraly jaza taǵaıyndaýǵa bolady", dep habarlady vedomstvo.
О́tken jyly qazaqstandyq memlekettik qyzmetkerlerge qatysty 6 931 shaǵym túsken.
Esterińizge sala keteıik, buǵan deıin áleýmettik jelilerde sheneýnik Qaskeleń qalasynyń turǵyndarymen dóreki sóılesip, temeki tuqylyn jerge laqtyrǵany týraly vıdeo taraǵan bolatyn. Keıin ákimdik qyzmetkerine aıyppul salynyp, ony jazalaımyn dep ýáde berdi.
Sondaı-aq, óziniń alǵashqy jumys kúninde Almaty oblysynyń bas memlekettik sanıtarlyq dárigeri Erǵalı Sydymanov Taldyqorǵan turǵyndarynyń ashýyn keltirdi. Qala turǵyndary onyń mensinbeıtin qylyqtaryna shaǵymdandy. Janjaldan keıin sheneýnik halyqtan keshirim surady.