Polısııa men Ekonomıkalyq tergeý basqarmasynyń eki tergeýshisi para aldy dep kúdiktelýde. Is boıynsha olar qylmystyq isterdi aqsha úshin toqtatqan. Ekeýin de Sybaılas jemqorlyqqa qarsy qyzmet qyzmetkerleri ustady, dep habarlaıdy Egemen.kz
Batys Qazaqstan oblysynda aımaq boıynsha ekonomıkalyq tergeý departamenti tergeý bóliminiń aǵa tergeýshisi ustaldy. Sonymen qatar, TJD jedel basqarmasy jedel ýákiline qatysty da tergeý amaldary bastalǵan.
"2020 jyldyń 1 qazanynda basqa organnyń óndirisinde qaralyp jatqan qylmystyq isti toqtatýǵa kómektesý degen syltaýmen azamattyń aldaý jáne senimine qııanat jasaý arqyly olar bes mıllıon teńge kóleminde qarajat ıemdendi. BQO boıynsha JSQ qyzmetkerleri QR Qylmystyq is júrgizý kodeksiniń 128-babyna sáıkes ustalyp, ýaqytsha ustaý ızolıatoryna ornalastyryldy", delingen sybaılas jemqorlyqqa qarsy qyzmettiń habarlamasynda.
Sondaı-aq, sybaılas jemqorlyqqa qarsy qyzmettiń qyzmetkerleri Almaty qalalyq polısııa departamentiniń Medeý APB tergeýshisi para aldy degen kúdikke ilingenin de atap ótti.
"Ol aldaý jáne senip tapsyrylǵan bótenniń múlkin urlaý faktisi boıynsha qylmystyq isti toqtatý úshin kompanııa dırektorynan aldyn ala kelisilgen 30 000 dollardyń 26 800 dollary kóleminde para aldy dep kúdiktelýde", deıdi sybaılas jemqorlyqqa qarsy kúresýshiler.