SpaceX kompanııasy taǵy da Starlink orbıtalyq jelisiniń 60 spýtnıgi bar Falcon 9 quralyn ushyrýdy keıinge qaldyrdy, dep habarlaıdy Egemen.kz.
Ushyrý AQSh-tyń shyǵys jaǵalaýynda Keıp Kanaveraldaǵy (Florıda) ǵarysh aılaǵynan 07:51-de josparlanǵan bolatyn. Bastapqyda 17 qyrkúıekke josparlanǵan ushyrý tehnıkalyq problemalar men aýa-raıynyń qolaısyzdyǵyna baılanysty birneshe ret keıinge qaldyryldy.
Starlink árqaısysy shamamen 227 kg salmaǵy bar 550 km bıiktiktegi orbıtada kóptegen qurylǵylardy ornalastyrý arqyly búkil planetadaǵy paıdalanýshylarǵa joǵary jyldamdyqty ınternetke qol jetimdilikti qamtamasyz etýge arnalǵan. Kompanııanyń baǵalaýy boıynsha, jalpy alǵanda 12 myń osyndaı spýtnıkterdi ǵaryshqa shyǵarý jáne olardy paıdalanýǵa berý 10 mıllıardty qamtıdy.
Qazir orbıtada 700-den astam spýtnık bar. SpaceX negizin qalaýshy Ilon Mask buryn aıtyp ótkendeı, jelini bastapqy kezeńde paıdalaný úshin shamamen 800 jerserik jetkilikti bolady.