Qalalyq qoǵamdyq keńes músheleri "City Transportation Systems" JShS-niń jumysymen tanysty. Sharaǵa qalalyq qoǵamdyq keńes tóraǵasy Sansyzbaı Esilov qatysty, dep habarlaıdy Egemen.kz ákimdiktiń baspasóz qyzmetine silteme jasap.
"City Transportation Systems" ókilderi sońǵy jyldary kólik aǵynyn ońtaılandyrý, baǵdarshamdardy retteý, qoǵamdyq kólikterdiń irkilissiz júrýine kepildik etýdegi atqarylǵan jumystardy atap ótti.
"Jańa tehnologııalardy qoldaný – "aqyldy qala" jobasynyń basty qaǵıdalarynyń biri. Jańa tehnologııalar iri qalalar ishindegi kólik júıesine asa qajet. Sońǵy jyldary elordada dıspetcherlik jáne monıtorıngtik júıeni iske qosý arqyly avtobýstar qozǵalysyn mobıldik qosymsha arqyly qadaǵalaý júıesi engizilip, qoǵamdyq kólikti ońtaılandyrý jumysy oń sheshimin tapty. Sıfrlandyrý jumystarynyń nátıjesinde kólik qozǵalysyna qatysty basqa da kóptegen másele sheshimin tapty", dedi "City Transportation Systems" JShS Tóraǵasynyń orynbasary Baýyrjan Seıitov.
Aıta keteıik, Nur-Sultan qalasynyń Qoǵamdyq keńesi - konsýltatıvtik-keńesshi, qadaǵalaýshy organ. Keńesti jergilikti memlekettik organdar kommersııalyq emes uıymdarmen jáne belsendi azamattarmen birlese qurǵan.