Jyl basynan beri memlekettik tapsyrys sheńberinde almatylyqtarǵa qyzmet kórsetken medısına uıymdaryna 116,5 mlrd teńgeden astam qarjy tólendi. Bul týraly «Áleýmettik medısınalyq saqtandyrý qory» KeAQ Almaty fılıaly habarlady.
Habarlamaǵa súıensek, atalǵan qarajat kepildendirilgen tegin medısınalyq kómek jáne mindetti medısınalyq saqtandyrý paketteri sheńberinde kórsetilgen medısınalyq kómek úshin tólengen. Qarjynyń 84,1 mlrd teńgesi – memlekettik tapsyrys negizinde kórsetiletin tegin kómek paketine, 32,4 mlrd teńgesi – MÁMS paketine tıesili.
Medısınalyq saqtandyrý qory – 2018 jyldan beri memlekettik bıýdjetten qarjylandyrylatyn kepildendirilgen tegin medısınalyq kómek paketiniń operatory. Al 2020 jyldan bastap qor mindetti áleýmettik medısınalyq saqtandyrý sheńberinde kórsetiletin qyzmetterdiń aqysyn tóleı bastady.
Eske sala ketsek, Almaty qalasy boıynsha 172 medısına uıymy Medısınalyq saqtandyrý qorymen jumys isteıdi. Onyń jartysyna jýyǵy nemese 55 paıyzy – jekemenshik klınıkalar. Jalpy, 2020 jylǵa tegin kómek paketi sheńberinde bekitilgen kelisimshart jalpy somasy – 141,9 mlrd teńge, MÁMS paketi boıynsha bekitilgen kelisimshart somasy – 51,9 mlrd teńge.