Bıatlonnan Qazaqstan komandasy bir aıǵa sozylǵan jattyǵý jıyndaryn aıaqtady. Bul týraly komandanyń bas bapkeri Maqsat Sharanov málimdedi, dep habarlady UOK baspasóz qyzmeti.
Ulttyq qurama músheleri 3 qyrkúıek pen 3 qazan aralyǵynda Almaty oblysynyń Talǵar aýdanyndaǵy «Alataý» sport kesheninde jattyqqan bolatyn. «Jıyn oıdaǵydaı, óte joǵary deńgeıde ótti. Sportshylar karantınnen keıin qalpyna keldi dep aıta alamyn. Endi azǵantaı úzilisten soń, Reseıdiń Túmen qalasyna baryp daıyndalsaq degen josparymyz bar. Atalǵan qalada jasandy qar tóselgendikten, jattyǵý yńǵaıly bolmaq. Biraq áli naqty jaýapty aıta almaımyn. Bári eldegi jáne álemdegi ahýalǵa baılanysty bolmaq», deıdi bas bapker.
Jattyǵý jıyndaryna jalpy 11 sportshy qatysty.