Bul bizdiń óńirge endi – endi jersinip jatqan ósimdik. "Bastaý bıznesi" baǵdarlamasy boıynsha oqyp, sertıfıkat alǵan Túrkistan oblysy Keles aýdanynyń turǵyny Aıbek Sarıbaev jas kásipkerlerge qoldaý retinde beriletin 505 000 teńge qarjylaı grantty sýbtropıkalyq jemis ósirýge jumsap otyr, dep habarlaıdy Egemen.kz.
Anar jemisiniń "dashka bad", "kýva" atty sorttarynyń 80 túp kóshetin satyp alǵan jas baǵban bul kóshetterdi aýlasyndaǵy 10 sottyq jerge otyrǵyzǵan. Byltyr egilgen kóshetterinen bıyl alǵashqy ónimin aldy.
"Bul jemistiń kóshetterin О́zbekstan Respýblıkasy Ferǵana oblysynan alyp keldim. Birinshi jyly árbir túbi 2-3 dana ónim berse, bıyl 5-6 keliden berýde. Bul sýbtropıkalyq jemistiń basqalarynan ereksheligi qunsyzdanbaıdy jáne kóktem mezgiline deıin sapasyn joǵaltpaı saqtaýǵa bolady. 3-4 jyldan keıin jemis aǵashtarynyń ár túbi 50 kelige deıin ónim beretin bolady", deıdi kásipker. Sondaı-aq, kásipker oıdaǵy isin júzege asyrýǵa memlekettik baǵdarlamanyń kómegi kóp tıgenin aıtady.
Túrkistan oblysy