Nur Otan partııasy Túrkistan oblystyq fılıaly pandemııaǵa qarsy «О́mir» jáne «Shıpa» jobalaryn júzege asyryp keledi. Túrkistan qalasynda jobalar aıasynda aýrýhanalarǵa 31 jasandy tynys alý apparaty jáne 200 muqtaj otbasyna dári-dármek qorapshalary jiberildi, dep habarlaıdy Egemen.kz.
Buǵan deıin de «О́mir» jobasy boıynsha aýrýhanalarǵa 21 apparat, al «Shıpa» arqyly 400 otbasyna dári-dármek tapsyrylǵan bolatyn. Iаǵnı, partııanyń úılestirýimen tapsyrylǵan jasandy tynys alý apparattarynyń sany 52-ge jetip otyr. Elimizde koronavırýs indeti sharyqtap, el qınalǵan sátte partııa tarapynan «Biz birgemiz» aksııasy sheńberinde oblysta 43 myńnan astam otbasyna azyq-túlik berilse, 34055 otbasyna 50 myń teńgeden berildi. Taıaýda taǵy 4852 otbasyna 50 myń teńgeden beriledi dep josparlanyp otyr. «Oblystyq máslıhat depýtattary, partııa músheleri jáne ózge de kásipkerlerdiń kómegimen «О́mir» jobasy boıynsha 52 jasandy tynys alý apparaty satyp alyndy. Sonymen birge «Shıpa» jobasy arqyly az qamtylǵan 600 otbasy dári-dármekpen qamtyldy. El azamattaryna, kásipkerlerge, «Jas Otan» jastar qanaty men «Jas Turkistan» eriktiler klýbyna alǵysymyz mol», deıdi Nur Otan partııasy Túrkistan oblystyq fılıaly tóraǵasynyń birinshi orynbasary Beısen Tájibaev.
Jalpy «О́mir» jáne «Shıpa» jobalaryna atsalysqan kásipkerler men «nurotandyq» depýtattar tarapynan qarajat jınalǵan. Solardyń qataryndaǵy Nuraly Ábishov, Maǵaýııa Turysbekov, Almas Salımov, Qaınar Abasov jáne Jańabaı Aǵabekov bastaǵan bir top azamat elge kómektesýge árqashan daıyn ekendikterin aıtýda.