Búgin Memleket basshysy Qasym-Jomart Toqaev tanymal jazýshy, dramatýrg Roza Muqanovany týǵan kúnimen quttyqtady. Prezıdenttiń quttyqtaý hatyn mereıtoı ıesine Mədenıet jəne sport mınıstri Aqtoty Raıymqulova tabystady, dep habarlaıdy Egemen.kz
"Sizdi týǵan kúnińizben quttyqtaımyn! О́zińizdi otandastarymyz shyǵarmashylyq joldaǵy izdenisterge toly eńbegimen, adamı asyl qasıetterimen abyroıǵa bólengen qalamy ushqyr jazýshy əri dramatýrg retinde jaqsy biledi jəne qurmetteıdi. Aldaǵy ýaqytta da el ədebıetiniń órkendeýine súbeli úles qosyp, taǵylymy mol qundy dúnıelerińizdi asyǵa kútetin oıly oqyrmandaryńyzdy jańa týyndylaryńyzben qýanta berýińizge tilektestigimdi bildiremin. Sizge zor densaýlyq jəne otbasyńyzǵa qut-bereke tileımin", delingen Memleket basshysynyń quttyqtaý hatynda.
Sonymen qatar Aqtoty Raıymqulova Roza Muqanovany Mınıstrlik atynan da quttyqtap, qyzmetine tabys tiledi.
"Sizdi týǵan kúnińizben shyn júrekten quttyqtaımyn! Egemen Elimiz əlemdik qaýymdastyq aldynda san salada qarqyndy damýda. Osy oraıda Siz Uly Dala eliniń mədenıetin órkendetýge súbeli úles qosyp kele jatqan ushqyr oıly jazýshy, ardaqty ustazsyz. Tereń paıym, tolǵanys pen ishki sezim arpalysyna toly, kúlli adamzatqa ortaq dúnıetanym ıirimderi qanyq shyǵarmalaryńyzben ədebıet salasynda tyń qubylys qalyptastyrdyńyz. "Jaryq dúnıe", "Dúnıe kezek", "Qudiret-Kıe" əńgimeler jınaǵyńyzben talǵampaz oqyrmannyń joǵary baǵasyna ıe bolyp kelesiz. "Máńgilik bala beıne", "Mysyqtar patshalyǵy", "Shatyr astyndaǵy Men" jəne ózge de qoıylymdaryńyz sahna tórinde zerek kórermenniń kókjıegin keńeıtip jatqan ómirsheń týyndylar. Laıym qanatyńyz talmaı, qajyr-qaıratyńyz arta bersin. Aldaǵy ýaqytta da eseli eńbegińiz berekeli bolyp, qalam sertin qaltqysyz atqara berýińizge tilektespin. Osynaý erekshe sətti paıdalana otyryp, Sizge uzaq ǵumyr, zor densaýlyq, shyǵarmashylyq shabyt, qyzmette tabys, otbasyńyzǵa amandyq pen ortaımas nesibe-dəýlet tileımin!", delingen mınıstrdiń quttyqtaý hatynda.
О́z kezeginde qalamger Memleket basshysyna alǵysyn aıtty.
Aıta keteıik, Roza Muqanova Qazaqstan Jastar odaǵy syılyǵynyń, T.Aıbergenov atyndaǵy syılyqtyń (1989), Halyqaralyq "Alash" ádebı syılyǵynyń laýreaty (2002). Sonymen qatar "Shatyr astyndaǵy Men" pesasy Memlekettik Grant júldesiniń (2008), Eýropa qoǵamdastyǵynyń sheshimi boıynsha ádebıetke sińirgen eńbegi úshin Frans Kafka atyndaǵy medaldiń ıegeri (2011).