Nur-Sultan qalasy Saryarqa aýdanynyń jańa ákimi Eset Baıken feısbýktegi paraqshasynda turǵyndarǵa alǵashqy úndeýin joldady, dep habarlaıdy Egemen.kz
"Men úshin Saryarqa aýdany tek jumys orny emes. Men osynda óstim, men osy aýdannyń ár kóshesin bilemin jáne áli de osynda turamyn. Meniń basty mindetim - aýdandy jaqsartý, turǵyndar men bıznes úshin jaıly, barlyǵyna, ásirese balalarǵa qaýipsiz etý", dep jazdy ol.
Eset Baıken aldyna birqatar mindetter qoıǵanyn aıtty. Eń aldymen, basty maqsat sporttyq sharalarǵa jaǵdaı jasaý jáne aýdannyń jalpy kelbetin jańartý ekenin de aıtty. Jańa ákim aýdan aýlalaryn qaýipsiz etip, jaıaý júrginshiler joly ınfraqurylymynda tyǵyz jumys jasamaq.
Sonymen qatar, Eset Baıken bılik pen aımaq turǵyndary arasynda tıimdi keri baılanys júıesin qurýǵa daıyn ekenin aıtyp, baılanys telefonyn jarııalady:
"Bizdiń ortaq maqsatymyz - tıimdi keri baılanys júıesin qurý, sondyqtan maǵan barlyǵy munda nemese +77021046023 (WhatsApp, Telegram) arqyly jaza alady", dedi ol.
Esterińizge sala keteıik, búgin Nur-Sultanda 34 jastaǵy Eset Baıken Saryarqa aýdanynyń ákimi bolyp taǵaıyndaldy. Buǵan deıin ol qala ákimi apparatynyń jetekshisi bolǵan edi.