Qyzylordada “Qaýipsiz qala” jedel-aldyn alý is-sharasyn ótkizý barysynda qoǵamdyq tártipti buzýdyń 12 deregi anyqtaldy, – dep habarlaıdy Egemen.kz Polisia.kz saıtyna silteme jasap.
Jol qaýipsizdigin saqtaý jáne jedel jaǵdaıdy turaqtandyrý, qoǵamdyq tártipti qamtamasyz etý, qylmystardyń jáne ózge de quqyqqa qarsy áreketterdiń aldyn alý maqsatynda 8-12 qazan aralyǵynda Qyzylorda qalasy aýmaǵynda “Qaýipsiz qala” is-sharasy ótkizildi. Jedel – profılaktıkalyq is- shara nátıjesinde qoǵamdyq tártipti buzýdyń 12 deregi anyqtaldy.
Atap aıtqanda, esirtki zatyn zańsyz tasymaldaýdyń eki deregi anyqtalyp, sotqa deıingi tergep – tekserý amaldary bastaldy. Budan basqa sýyq qarý alyp júrýdiń bir deregi anyqtalyp, pyshaq alyndy. 2020 jyldyń shilde aıynan beri habar – osharsyz ketken bir azamat tabyldy.
Kámeletke tolmaǵandardyń túngi mezgilde ata – anasynyń qaraýynsyz júrý faktisiniń eki deregi anyqtalyp, olardyń ata-anasyna aıyppul salyndy. Avtokólikti basqarý quqyǵyn rastaıtyn tıisti qujattary bolmaýyna baılanysty tórt júrgizýshige qatysty Qazaqstan Respýblıkasy ÁQBtK 612-babyna (Qujattary joq jáne basqarý quqyǵy joq adamnyń kólik quralyn basqarýy) sáıkes ákimshilik hattama toltyrylyp, avtokólikter aıyp turaǵyna qoıyldy.
Avtokólik terezelerin zańsyz kóleńkelep qoıǵany, memlekettik tirkeý nómirin teris taqqany sııaqty quqyq buzýshylyqtary úshin eki júrgizýshige qatysty Qazaqstan Respýblıkasy ÁQBtK 590-babyna (Kólik quraldaryn paıdalaný qaǵıdalaryn buzý) sáıkes ákimshilik hattamalar toltyryldy.