Shymkentte belgisiz áıeldiń denesi birneshe jyl boıy qudyq túbinde jatqan, dep habarlaıdy Egemen.kz
Máıit qalanyń bir aýdanynan tabyldy. Qańqa kilemge oralyp, skotchpen bekitilgen. Aldyn ala málimetter boıynsha, áıel shamamen 30 jasta, boıy 150 santımetrden sál asqan, al onyń ústinde jazdyq kıim bolǵanyna qarap, onyń jaz mezgilinde qaıtys bolǵanyn shamalaýǵa bolady.
Shymkent qalalyq polısııa bólimi bastyǵynyń orynbasary Arman Beısenov Qylmystyq kodekstiń 99-baby "Adam óltirý" boıynsha tergeý júrip jatqanyn aıtty.
Máıittiń jeke basyn anyqtaý jáne qylmysty ashý boıynsha barlyq sharalar qoldanylady. Polısııa qyzmetkerleri joǵalǵan adam týraly aqparat jınap, tergeý júrgizip jatyr.