Túrkistan oblysynda toǵyz myń teńge kóleminde para alǵan sýdıa sottaldy, dep habarlaıdy Egemen.kz Sybaılas jemqorlyqqa qarsy qyzmetke silteme jasap.
Sot úkimi 14 qazanda shyǵarylǵan.
"Saryaǵash aýdanynyń mamandandyrylǵan ákimshilik sotynyń sýdıasy Sársembaev úsh jylǵa bas bostandyǵynan aıyryldy.
Ol ákimshilik hattamany toltyrý kezinde anyqtalǵan tártip buzýshylyqtar boıynsha qaýly shyǵarmaǵany úshin Saryaǵash aýdandyq polısııa bóliminiń ınspektorynan toǵyz myń teńge kóleminde para aldy degen kúdikke ilindi", delingen habarlamada.