Densaýlyq saqtaý mınıstrliginiń Respýblıkalyq densaýlyq saqtaýdy damytý ortalyǵynyń bas dırektory Qanat Tósekbaev Qazaqstanda 4122 dáriger jetispeıtinin aıtty, dep habarlaıdy Egemen.kz
"2020 jyldyń 15 shildesindegi jaǵdaı boıynsha dáriger kadrlarynan 5 201 adam tapshy, eń kóbi Qostanaı oblysynda jetispeıdi - 624 shtattyq birlik. Jas mamandardy óńirlerge bólgennen keıin bul máselede oń dınamıka baıqalady: 10 qyrkúıektegi jaǵdaı boıynsha respýblıkada kadr tapshylyǵy 1079 birlikke azaıdy", dedi Tósekbaev OKQ onlaın-brıfınginde.
Onyń aıtýynsha, qazirgi ýaqytta 4 122 dáriger jetispeıdi. Eldegi orta medısınalyq personal boıynsha tapshylyq - 8 583.
Myna mamandyqtarda dárigerler óte az jáne jetispeıdi:
- anestezıolog-reanımatologtar - 393 shtattyq birlik;
- terapevter - 346,75 shtattyq birlik;
- JPD - 319,5 shtattyq birlik;
- dáriger-zerthanashylar - 226 shtattyq birlik;
- psıhıatrlar - 213 shtattyq birlik;
- akýsher-gınekologtar - 203,5 shtattyq birlik;
- pedıatrlar - 202,75 shtattyq birlik;
- ınfeksıonıster - 121,5 shtattyq birlik;
- epıdemıologtar -102,5 shtattyq birlik;
- neonatologtar - 85,25 shtattyq birlik.