Saıram aýdanynda bıyl memlekettik turǵyn úı qorynan baspanaǵa muqtaj 184 jetim jáne ata-anasynyń qamqorlyǵynsyz qalǵan balalardyń máselesin sheshý maqsatynda Aqsýkent aýylyndaǵykommýnaldyq menshiktegi bos turǵan ǵımarat kúrdeli jóndeýden ótkizilgen bolatyn.Paıdalanýǵa berilgen páterlerdiń kiltin aýdan ákimi Ulasbek Sádibekov muqtaj otbasylarǵa tabys etti.
«Memlekettik turǵyn úı qorynan turǵyn úı nemese jeke turǵyn úı qorynan jergilikti atqarýshy organ jaldaǵan turǵyn úı berý» baǵdarlamasy aıasynda ótken jyly jergilikti bıýdjet esebinen jobalyq-smetalyq qujattary daıyndalyp, ǵımaratty kúrdeli jóndeýden ótkizý úshin 84,0 mln teńge qarajat qaralǵan. Kúrdeli jóndeý qurylys jumystaryn "Astana- kóktem S" JShS merdiger mekemesi júrgizdi. Ǵımarattaǵy turǵyn úı jaılarymen 17 jetim jáne ata-anasynyń qamqorlyǵynsyz qalǵan balalar qamtamasyz etiledi. Solardyń ishinen aýdan ákimi Ulasbek Sádibekov 5 otbasyǵa páterdiń kiltin saltanatty túrde tabystady.
Aıta keteıik, ǵımarattyń jalpy alańy – 586,3 sharshy metr, al turǵyn-úıdiń alańy – 367,8 sharshy metrdi quraıdy.
Túrkistan oblysy