BUUDB men SIM 2021-2025 jyldarǵa arnalǵan jańa eldik baǵdarlama sheńberindegi yntymaqtastyq basymdyqtaryn talqylady, dep habarlaıdy Egemen.kz
BUU Damý baǵdarlamasynyń turaqty ókili Iаkýp Berısh QR Syrtqy ister mınıstriniń orynbasary Erjan Ashyqbaevpen kezdesti. Kezdesý barysynda taraptar jaqynda qabyldanǵan 2021-2025 jyldarǵa arnalǵan eldik baǵdarlama sheńberindegi yntymaqtastyqtyń basym baǵyttaryn jáne ony Qazaqstan Úkimeti men BUUDB arasyndaǵy damytý salasyndaǵy kópjyldyq yntymaqtastyq aıasynda birlesken bastamalar arqyly júzege asyrýdy talqylady.
"BUUDB Qazaqstan Úkimetimen qol jetkizilgen yntymaqtastyq deńgeıin joǵary baǵalaıdy. Iske asyrylǵan bastamalar men qalyptasqan seriktestikterdiń jetistikterine súıene otyryp, biz Qazaqstanǵa eldiń damýyn jedeldetetin jáne qoǵamǵa paıda ákeletin Turaqty damý maqsattaryn (TDM) júzege asyrýǵa qoldaý kórsetýdi kózdep otyrmyz", dedi Iаkýp Berısh, BUU Damý baǵdarlamasynyń Qazaqstandaǵy turaqty ókili.
Cyrtqy ister mınıstriniń orynbasary Erjan Ashyqbaev BUU Damý baǵdarlamasyn 2021-2025 jyldarǵa arnalǵan eldik baǵdarlamanyń kelisý jáne maquldaý úderisiniń sátti aıaqtalýymen quttyqtady jáne baǵdarlamanyń eldiń basty damý baǵyttaryna sáıkes keletindigin atap ótti.
TDM-yn basshylyqqa ala otyryp, BUUDB Qazaqstanǵa ekonomıkany ártaraptandyrý, ınstıtýttardy jańartý, teńsizdikti azaıtý jáne tabıǵı resýrstardy turaqty basqarý arqyly ósý traektorııasyn saqtaýǵa qoldaý kórsetedi. Tórt ıntegrasııalanǵan baǵytqa negizdelgen - adam kapıtaly, tıimdi ınstıtýttar men sapaly qyzmetter, jasyl ekonomıka jáne keshendi jergilikti damý - jańa yntymaqtastyq strategııasy halyqtyń osal toptaryna nazar aýdara otyryp, Qazaqstannyń damýyndaǵy transformasııalyq ózgeristerge qol jetkizýge baǵyttalǵan.
Kezdesýde taraptar BUUDB-nyń Qazaqstandaǵy koronavırýstyq pandemııanyń saldaryn jeńildetý boıynsha jedel qoldaý sharalaryn, onyń ishinde 2025 jylǵa deıingi Ulttyq damý strategııasyn qaıta qaraý úshin saraptamalyq qoldaýdy, COVID-19 pandemııasynyń áleýmettik-ekonomıkalyq áserin baǵalaýdy, osal jastarǵa arnalǵan tólenetin taǵylymdama baǵdarlamasy men memlekettik qyzmetshileriniń sıfrlyq daǵdylaryn jaqsartý joldaryn talqylady.
BUUDB-sy Qazaqstanǵa yqtımal daǵdarystarǵa tózimdilikti qalyptastyrýǵa kómektesetin, sondaı-aq barlyq múddeli taraptar men osal toptardy eskeretin jańa Eldik baǵdarlama sheńberinde memleketti qalpyna keltirý strategııasyna qoldaýdy kúsheıtedi.