2020 jylǵy qazannyń 12-16 kúnderi "UMC" korporatıvtik qorynyń Ana men bala ulttyq ǵylymı ortalyǵynda "3D-men josparlaı otyryp, balalardyń tómengi jaǵyndaǵy týabitti jáne júre paıda bolǵan jetilmeýshilikti emdeýde ınnovasııalyq tehnologııalardy paıdalaný" taqyrybynda ınteraktıvtik kommýnıkasııa quraldaryn qoldanyp, bilim berý sheberlik saǵaby ótip jatyr, dep habarlaıdy Egemen.kz
Sharaǵa Reseı Federasııasy Densaýlyq saqtaý mınıstrliginiń "Stomatologııa jáne jaq-bet hırýrgııasy ortalyq ǵylymı zertteý ınstıtýtynyń" jaq-bet hırýrgııasy jáne stomatologııa bóliminiń ǵylymı qyzmetkeri Ovchınnıkov Igor Aleksandrovıch qatysýda.
Mundaı formattaǵy sheberlik sabaǵy Qazaqstanda alǵash ret ótkizilip jatyr. Uzaq merzimge arnalǵan bul joba "UMC" korporatıvtik qorynyń Ana men bala ulttyq ǵylymı ortalyǵynyń №2 balalar hırýrgııasy jáne tranplantasııa bóliminiń jaq-bet hırýrgy, joǵary biliktilik sanattaǵy dáriger Sıa-Týn-Chın Rýslan Vladımırovıchtiń jetekshiligimen ótkizilýde.
Jobaǵa elimizdiń ózge de jaq-bet hırýrgtary belsendi qatysýda. Olar: Aıdosov Marat Rahymuly, joǵary biliktilik sanattaǵy dáriger ("Qaraǵandy medısınalyq ýnıversıteti" AQ Stomatologııa mektebi) jáne Nurmahanov Serik Baltashuly, medısına ǵylymdarynyń doktory (Almaty qalasy, QazÚBMÝ), sondaı-aq, jas maman Erimbetov Erjan Ermuratuly (Aqtaý qalasy, "Neıron" medısınalyq ortalyǵy).
Atalǵan sheberlik sabaǵy onlaın-vebınarlarmen shektelmeı, hırýrgter men IT tehnologııa mamandarynyń birlesken jumysy arqasynda balalarǵa joǵary tehnologııalyq medısınalyq kómekti de tikeleı efır arqyly kórsetýge bolatynyn dáleldeıdi.