2020 jyldyń 19 qazan kúni Nur-Sultan qalasynda Halyqaralyq Túrki akademııasy Qazaqstan Respýblıkasynyń IýNESKO jáne ISESKO isteri jónindegi Ulttyq Komıssııasy men IýNESKO jónindegi Iran Ulttyq Komıssııasynyń qoldaýymen uly oıshyl, ǵulama ǵalym Ábý Nasyr ál-Farabıdiń týǵanyna 1150 jyl tolýyna arnalǵan "Jibek jolynda órkenıetter úndestigi" atty halyqaralyq forým ótkizedi, dep habarlaıdy Egemen.kz
Onlaın rejimde uıymdastyrylatyn forýmǵa Qazaqstan Respýblıkasynyń Memlekettik hatshysy Qyrymbek Kósherbaev, Iran Islam Respýblıkasynyń Ǵylym, zertteýler jáne tehnologııa mınıstri Mansýr Golamı, Qazaqstannyń Bilim jáne ǵylym mınıstri Ashat Aımaǵambetov, Qazaqstannyń Mádenıet jáne sport mınıstri Aqtoty Raıymqulova, ISESKO Bas hatshysy Salım Ál-Malık, Islam Yntymaqtastyǵy uıymy janyndaǵy ǵylym-tehnologııa jónindegi turaqty komıtettiń (COMSTECH) dırektory Muhammed Ikbal Chaýdarı, Túrkııa Respýblıkasy Prezıdentiniń Bas keńesshisi Iаlchyn Topchý, jáne taǵy basqa irgeli halyqaralyq uıymdardyń jetekshileri, Ulttyq komıssııalardyń basshylary, qoǵam jáne memleket qaıratkerleri, rektorlar, Ǵylym akademııalarynyń jetekshileri, dıplomattar, belgili farabıtanýshy ǵalymdar qatysady dep kútilýde.
Aıta ketý kerek, uly oıshyldy ulyqtaýǵa arnalǵan qorytyndy shara retinde ótetin halyqaralyq jıynǵa dúnıejúziniń 30-ǵa jýyq memleketinen tanymal ǵalymdar qatysady. Sonymen qatar, forým jumysyna álemniń alty tiline ilespe aýdarma jasalyp, áleýmettik jeliler arqyly tikeleı kórsetiledi.