Elorda polısııasy bir táýliktiń ishinde karantın rejımin buzýdyń 65 faktisin anyqtady, dep habarlaıdy Egemen.kz
Nur-Sultan qalalyq polısııa departamentiniń málimetinshe, karantın rejımin jıi buzatyn dámhana, meıramhana, karaoke, bar, saýda ortalyqtary erekshe nazar alynǵan. Polısııa qyzmetkerleri kásipkerlik sýbektilerine kúndelikti túngi jáne kúndizgi reıdter júrgizip, karantın rejimin buzýshylardy anyqtap, olardy jaýapkershilikke tartady.
Sonymen qatar kóńil kóterý oryndaryna baryp, olardyń ıelerine karantın sharalarynyń qoldanysta ekendigin eskertip otyrady.
"Nur-Sultan polısııasynyń qyzmetkerleri Taýarlar men kórsetiletin qyzmetterdiń sapasyn jáne qaýipsizdigin baqylaý basqarmasy ókilderimen birge bir táýliktiń ishinde 195 kásipkerlik nysanyn tekserip, karantın rejımin buzýdyń 65 faktisin anyqtady. Atap aıtqanda, Turan kóshesinde ornalasqan "ZOLOTO" meıramhanasynda saǵat 23:01 kezinde shamamen 100 qonaq bolǵan. Meıramhana áleýmettik araqashyqtyqty saqtamaı qyzmet kórsetken. Kórshi ústelderdiń shetki oryndary arasynda keminde 2 metr áleýmettik qashyqtyqty saqtaı otyryp jáne bir ústelge 4-6 adamnan aspaıtyndaı etip otyrǵyzyp, kúsheıtilgen sanıtarlyq-profılaktıkalyq is-sharalardy saqtaýmen, jumys kúnderi jáne demalys kúnderi saǵat 9:00-den 22:00-ge deıin jumys kestesin oryndamaǵan", dep atap ótedi departamentten.
Sonymen qatar, túngi saǵat 02:00 shamasynda 102 arnasyna Qonaev kóshesindegi úıdiń turǵyndarynan "CABERA" dámhana-barynda mýzyka daýysy qatty shyǵyp turǵany týraly shaǵym túsken. Shaqyrtý ornyna jedel attanǵan polısııa qyzmetkerleri dámhanada karantınge qaramastan mýzyka daýysyn qatty qoıyp, bılep júrgen adamdardy anyqtady.