Parlament Májilisiniń depýtaty, ekologııa jáne tabıǵat paıdalaný máseleleri jónindegi komıtettiń tóraǵasy Gleb Shegelskıı ómirden ótti, dep habarlaıdy Egemen.kz Májilistiń baspasóz qyzmetine silteme jasap.
Qaıǵyly jaǵdaıǵa baılanysty Májilis spıkeri Nurlan Nyǵmatýllın marqumnyń otbasyna, taýys-týǵandary men jaqyndaryna kóńil aıtty.
"Gleb Anatolevıch Shegelskııdiń mezgilsiz dúnıeden ótkeni týraly qazaly habar aýyr tıdi. Ol adamgershilik jáne kásibı qasıetterimen erekshelenetin, óte sezimtal, elgezek jáne asa jaýapty jan edi. Qazaqstannyń shynaıy patrıoty bolatyn. Álbette, Gleb Anatolevıch Qazaqstan zańnama bazasyn jetildirýge óte qomaqty úles qosty. Biz zań jobalarymen jumys istegende de, basqa da ózekti taqyryptar jaıly sóıleskende de óte kóp máselelerdi talqylaıtynbyz. Sonyń bárinde ol taqyrypqa jan-tánimen kirisip, jumysqa adaldyǵymen erekshelenetin edi. Ol úshin eliniń jáne qoǵamnyń múddesi bárinen joǵary turatyn. Osyndaı qıyn sátte marqumnyń jaqyndaryna búkil depýtattyq korpýs pen óz atymnan qaıǵyryp kóńil aıtamyn. Ol kisilerge qoldaý kórsetip, jyly sózimdi jetkizgim keledi. Keremet adam, senimdi áriptes, nıettes dos, depýtat Gleb Anatolevıch Shegelskııdiń jarqyn beınesi máńgi jadymyzda jańǵyryp turady" dep atap ótti Májilis tóraǵasy Nurlan Nyǵmatýlın.
Májilistiń V jáne VI shaqyrylymynyń depýtaty Gleb Shegelskıı búgin júrek talmasynan mezgilsiz qaıtys boldy.