Qarjy monıtorıngi komıtetininiń Qostanaı oblysy boıynsha Ekonomıkalyq tergeý departamenti qyzmetkerleri arnaıy maqsattaǵy "Qyran" bólimshesimen birlese otyryp, Qostanaı qalasynyń túrli aýmaqtarynda bir ýaqytta eki jasyryn oıynhananyń zańǵa qaıshy qyzmetiniń jolyn kesti, dep habarlaıdy Egemen.kz
Túrli qumar oıyndardy uıymdastyrý jáne ótkizý úshin is fıgýranttary qala aýmaǵynda arnaıy oryndardy jalǵa alǵan. Oıyn jabdyqtaryn qoldana otyryp, olar oıynǵa 10 000 teńgeden kem emes somaǵa fıshkalar satyp alǵan oıynshylardy ǵana qatystyrǵan. Sodan keıin aqshalaı utysty bildiretin aýyzsha kelisim jasaǵan.
Tekseris barysynda pokerge arnalǵan ústel, 6 oıynǵa arnalǵan ústel, oıyn kartalarynyń 15 kolodasy, fıshkalar, beınejazbalary bar resıver, oıynǵa tigilgen mólsherlemeler týraly jazbalary bar jýrnal jáne bloknot, oıyn fıshkalary bar keıs, Samsung markasyndaǵy elektrondy planshet jáne aqshalaı qarajat anyqtalyp, tárkilendi. Qazirgi tańda tergeý amaldary júrgizilýde.