Memleket basshysy Qasym-Jomart Toqaev QR Parlamenti Májilisi depýtattarynyń kezekti saılaýyn taǵaıyndaý týraly jarlyqqa qol qoıdy. Partııalyq tizimder boıynsha saılanatyn Parlament Májilisi depýtattarynyń kezekti saılaýy 2021 jylǵy 10 qańtarda ótedi, al kelesi kúni Qazaqstan halqy Assambleıasy saılaıtyn Parlament Májilisi depýtattarynyń kezekti saılaýy ótedi, dep habarlaıdy Egemen.kz
"Rýhanı jańǵyrý" qazaqstandyq qoǵamdyq damý ınstıtýtynyń sarapshylary el bolashaǵy úshin mańyzdy sanalatyn Parlament Májilisi depýtattarynyń aldaǵy saılaýynyń mańyzdylyǵy týraly aıtyp berdi.
"Rýhanı jańǵyrý" Basqarmasy Tóraǵasynyń orynbasary, saıası ǵylymdar doktory Ásem Qaıdarovanyń pikirinshe, aldaǵy saılaý buǵan deıingilerden túbegeıli ózgeshe bolady.
"Májilis depýtattaryn saılaý eldegi azamattyq qoǵamnyń belsendiliginiń artýymen sáıkes kelip tur. Bul aldaǵy saılaý burynǵyǵa qaraǵanda ózgeshe bolatynyn kórsetedi. Qazaqstandyq qoǵam da budan oń ózgeristerdi kútedi. Jańa úrdister, jańa baǵyt, eldegi ózgerister, jalpy osylardyń barlyǵy saıyp kelgende jańa jarqyn bastamalarǵa jol ashady", dedi Ásem Qaıdarova.
Qasym-Jomart Toqaev óziniń halyqqa Úndeýinde osynaý qıyn-qystaý kezeńde Qazaqstannyń aldynda úlken mindetter turǵanyn atap ótti. Naqty aıtqanda, daǵdarysqa qarsy tıimdi sharalardy qabyldaý, turaqty ekonomıkalyq damýdy qamtamasyz etý, azamattardyń áleýmettik ál-aýqatyn arttyrý jáne halyqtyń jaǵdaıyn jaqsartý mindetteri turǵanyn aıtty. О́z kezeginde, áleýmettaný ǵylymdarynyń doktory, Taldaý jáne ádistemelik qamtamasyz etý basqarmasynyń basshysy Lázzat Nurqatova aldaǵy saılaý Qazaqstannyń demorkatızasııany berik ustanatyndyǵynyń dáleli bolyp, saıası ınstıtýttardyń jańǵyratyndyǵyna senimdi.
"Memleket basshysy atap ótken "úsh kıt" – parlamenttik oppozısııa ınstıtýty, áıelder men jastarǵa arnalǵan partııalyq tizimderdegi 30 paıyzdyq kvota jáne partııalyq tizimder boıynsha máslıhattarǵa saılaý eldiń saıası júıesiniń jańarýyn qamtamasyz etýi tıis. Jańa bastamalar partııalarǵa óz pozısııalaryn nyǵaıtý úshin qosymsha múmkindikter beredi dep esepteımin", deıdi Lázzat Nurqatova.
Sondaı-aq, 2021 jylǵy saılaýǵa qatysty "Rýhanı jańǵyrý" baǵdarlamasy Jobalar basqarmasynyń basshysy, PhD doktory Dýman Jampeıisov te óz pikirin bildirdi. Onyń aıtýynsha, saıası jańǵyrtý sharalary ózekti zamanaýı syn-qaterlerge der kezinde jaýap bolyp tabylady.
"Parlament Májilisiniń depýtattaryn zańnamanyń jańa normalaryna sáıkes saılaý Qazaqstannyń álemniń damyǵan 30 eliniń qataryna kirýge umtylýynyń aıqyn kórsetkishi. Saıası jańǵyrý, kóppartııalyqty damytý jáne elimizdiń qoǵamdyq-saıası ómirine azamattyq qoǵamnyń belsendi aralasýy qazirgi zamanǵy ózekti syn-qaterlerdiń aldyn alady", dep atap ótti Dýman Jampeıisov.
"Rýhanı jańǵyrý" QQDI Otbasy ınstıtýtyn zertteý ortalyǵynyń taldaýshysy Áıgerim Áshimovanyń pikirinshe, búginde birinshi kezekte elimizdegi áleýmettik-ekonomıkalyq reformalardy zańnamalyq túrde sapaly etken jón.
"Búginde álemdik ekonomıkalyq daǵdarys jaǵdaıynda elimiz dereý sheshilýi tıis birqatar máselelerge tap bolyp otyr. Aldaǵy Parlament Májilisi depýtattarynyń saılaýy demokratııalyq túrde ótip, elimizdiń saıası júıesiniń jańarýyn qamtamasyz etedi dep oılaımyn. Prezıdent atap ótkendeı, bizdiń memleketimizdiń basty mıssııasy – Qazaqstannyń gúldenýi jáne árbir azamattyń ál-aýqatynyń jaqsarýy. Ol úshin árqaısymyzdyń boıymyzda patrıotızm men jaýapkershilik joǵary deńgeıde bolýy tıis", dep qorytyndylady sózin Áıgerim Áshimova.
Al óz kezeginde "Jastar" ǴZO dırektory Aıan Sakoshev Májilis pen máslıhattarǵa laıyqty adamdardyń kelgeni mańyzdy ekendigin aıtty.
"Prezıdent atap ótkendeı, aldaǵy saılaýda – eldegi saıası ınstıtýttardyń jańǵyrýy arqyly memleketimizdiń saıası júıesi de jańarýy tıis. Búginde Qazaqstan úshin Májilis pen máslıhattarǵa biliktiligi zor jáne men tájirıbesi tolysqan adamdardyń kelip, halyqtyń múddesin qorǵaýy mańyzdy", dedi Saqoshev.
Aıta keteıik, aldaǵy Parlamenttik saılaý 2004 jyldan bastap alǵash ret konstıtýsııalyq merzimde ótedi. 2007, 2012 jáne 2016 jyldardaǵy saılaýlar merziminen buryn ótkizilgen.