Fýtboldan chempıondar lıgasynyń ekinshi kúngi toptyq kezeńiniń oıyndary kópshilik kútkendeı tartysty ári qyzyqty oqıǵalarǵa toly boldy.
A tobynda óner kórsetetin týrnırdiń qazirgi chempıony – «Bavarııa» óz alańynda Madrıdtiń «Atletıkosyn» 4:0 esebimen jeńip, topta jeke-dara kósh bastady. О́ıtkeni ekinshi oıynda «Zalsbýrg» pen «Lokomotıv» 2:2 nátıjesimen teń tústi. Týrdaǵy basty sensasııa V tobynda tirkeldi. Qaıbir jyly «qos qulaqty» kýbokty úsh jyl qatarynan jeńip alǵan «Real» Ispanııada kútpegen jerde Ýkraınanyń «Shahtıor» klýbynan jeńilip qaldy. Al «Inter» Mıonhengladbahtyń «Borýssııasyn» qabyldap, sońǵy mınýtta soǵylǵan goldyń nátıjesinde teń esepke qol jetkizdi.
S tobynda «Manchester Sıtı» «Portý» klýbynan 3:1 esebimen basym tússe, toptaǵy ekinshi oıynda «Olımpıakos» tóreshi qosqan qosymsha mınýtta gol soǵyp, «Marseldi» jeńip ketti. D tobyndaǵy kezdesýlerde «Lıverpýl» men «Atalanta» úsh upaıǵa qol jetkizdi. Aǵylshyndar Amsterdamda «Aıaksti» 1:0 esebimen utsa, «Atalanta» Danııada «Mıdtıýlland» qaqpasyna jaýapsyz tórt gol soqty.