Túrkistan oblysynyń polıseıleri karantın rejımin saqtaý boıynsha is-sharalar júrgizdi, – dep habarlaıdy Egemen.kz Polisia.kz saıtyna silteme jasap.
Bas sanıtarlyq dárigerdiń qaýlysyn oryndaý maqsatynda Túrkistan oblysy PD polısııa qyzmetkerleri jergilikti turǵyndardyń karantın rejımin saqtaýǵa baǵyttalǵan profılaktıkalyq is-sharalardy turaqty túrde ótkizip turady. Oblys aýmaǵynda quramynda polıseıler, SES jáne jergilikti atqarýshy organdardyń ókilderi bar mobıldi toptar quryldy.
Atap aıtar bolsaq, karantın kezinde aýdan turǵyndarynyń kóshelerde belgili ýaqyttarda ǵana júrip-turýy kerektigin, asa qajettilik bolmasa syrtqa shyqpaýdy, adamdar kóp shoǵyrlanǵan jerlerde qaýipsizdik sharalaryn saqtaýdy túsindirdi. Sondaı-aq qoǵamdyq oryndarda, bazarlarda, kafelerde túsindirme jumystaryn júrgizýde.
Arnaıy kóliktermen, kóshe-kósheni aralap, qaýipsizdik sharalarynyń, ara qashyqtyqtyń saqtalýyn daýys údetkishpen eskertýde. Máselen, Shardara aýdanynda atalǵan nysandardy tekserý kezinde tártip saqshylary karantın rejımin buzýdyń 12 jaıtyn tirkedi, al ıelerine qatysty ákimshilik hattama toltyryldy. Máselen, Shardara qalasyndaǵy kóshelerdiń birinde polıseıler karantınge qaramastan kelýshilerge medısınalyq maskasyz qyzmet kórsetken dúken satýshysyn anyqtady. Karantın rejımin saqtaý boıynsha osyǵan uqsas is-sharalardy aýdandyq polısııa bólimi men atqarýshy organdar qyzmetkerlerinen qurylǵan Saryaǵash APB qyzmetkerlerinen jumyldyrylǵan toptary da júrgizýde.
Reıd barysynda polısııa qyzmetkerleri 4984 túrli oryndar men mekemelerdi, sonyń ishinde alańdar, skverler, saýda jáne oıyn-saýyq ortalyqtary, bazarlar men qoǵamdyq kólik, kompıýterlik klýbtar, kafeler men meıramhanalar, sulýlyq salondary, demalys aımaqtary jáne t.b. tekserdi.
Sonymen qatar tártip saqshylary turǵyndar arasynda betperde rejımin jáne qashyqtyqty saqtaý qajettiligi týraly, ásirese 65 jastan asqan adamdarǵa jáne 14 jasqa deıingi balalarǵa, asa qajettiliksiz dalaǵa shyqpaý týraly túsindirý jumystaryn júrgizedi. Polısııa qyzmetkerleri jergilikti turǵyndarǵa bas memlekettik sanıtarlyq dárigerdiń qaýlysynda kórsetilgen shekteý sharalaryn saqtaý jónindegi nusqaýlyqpen birge 1445 únparaqtar taratyldy.
Saryaǵash APB qyzmetkerleri QR ÁQBtK-niń 425-baby (Halyqtyń sanıtarlyq-epıdemıologııalyq salaýattylyǵy salasyndaǵy zańnama talaptaryn, sondaı-aq gıgıenalyq normatıvterdi buzý) boıynsha barlyǵy 458 ákimshilik quqyq buzýshylyq anyqtaldy. Máselen, kún saıyn saǵat 12:00-den 01:00-ge deıin jumys isteıtin mobıldik toptar Saryaǵash aýdany aýmaǵynda ornalasqan birneshe kafe men dúken ıelerine qatysty karantındi buzý týraly ákimshilik hattama toltyrdy. Tyıym salynǵan jerlerde shomylǵany úshin 697 tártip buzýshy ákimshilik jaýapkershilikke tartyldy.