6 – 25 qazan aralyǵynda halyqaralyq áýe reısterimen Qazaqstanǵa kelgen 34 jolaýshydan koronavırýs ınfeksııasy anyqtaldy. Bul týraly Kóliktegi bas memlekettik sanıtarlyq dáriger Sádýaqas Baıǵabylov málim etti, dep habarlaıdy Egemen.kz.
"25 qazan kúni túnde elimizge 11 halyqaralyq avıareıs ushyp keldi. Barlyǵy 1483 jolaýshynyń 1228-inde koronavırýsqa tapsyrǵan analızderiniń anyqtamalary bolǵan, Qazaqstannyń 255 azamatynda ondaı anyqtama bolǵan joq", dedi S.Baıǵabylov.
Belgili bolǵandaı 11 avıareıs oryndalǵan:
- tórteýi Nur-Sultan qalasyna, barlyǵy 434 jolaýshy, onyń 350-inde anyqtama – bar, 84-inde – joq;
- altaýy Almaty qalasyna, barlyǵy 939 jolaýshy, onyń 778-inde anyqtama – bar, 161-inde – joq;
- bireýi Shymkent qalasyna, 110 jolaýshy, 100-inde anyqtama – bar, 10-ynda – joq.
Anyqtamasyz úshyp kelgen Qazaqstan azamattary PTR-analız tapsyrý úshin Nur-Sultan, Almaty jáne Shymkent qalalaryndaǵy karantındik stasıonarlarǵa jatqyzylǵan. Jolaýshylar Túrkııa, BAÁ, Ýkraına jáne Belarýsten kelgen.