Shymkent qalasynda mektepterdiń aǵymdaǵy jóndeý jumystary tolyq aıaqtaldy. Qalada 25 mektep kúrdeli jóndeýdi qajet etedi. Bıyl 7 bilim oshaǵynda kúrdeli jóndeý jumystary aıaqtalyp, paıdalanýǵa tapsyryldy. Aldaǵy jyly 5 mekteptiń ǵımaratyna kúrdeli jóndeý júrgizýge JSQ daıyndaý úshin qarjy qaralǵan, dep habarlaıdy Egemen.kz
Sonymen qatar, qazirgi tańda 4 balabaqshada kúrdeli jóndeý jumystary tolyǵymen oryndaldy. Qalǵan 2 mekemeniń qurylysyn jeltoqsan aıyna deıin aıaqtaý josparlanýda.
Qalada jalpy 9 memlekettik balabaqsha ǵımaratyn kúrdeli jóndeýden ótkizý qajet. Kelesi jyly 3 balabaqshanyń qurylys jumystaryna jobalaý-smetalyq qujattary ázirlenýde.
Sondaı-aq, bıyl "Jol-kólik" kolledjiniń jataqhanasy, úsh tilde oqytatyn mamandandyrylǵan №1 mektep-ınternatynyń jataqhanasy, "3 Balalar estetıkalyq saz mektebi" ǵımaraty kúrdeli jóndeýden ótti.
Qalanyń demografııalyq ósimine baılanysty jyl saıyn mektep oqýshylarynyń sany 12 myńnan astam balaǵa artyp otyrady. Apatty mektepter sanynyń artýynyń aldyn alý maqsatynda jyl saıyn mektep ǵımarattarynyń tehnıkalyq jaǵdaıyna taldaý júrgizilip, nátıjesi boıynsha kúrdeli jáne aǵymdaǵy jóndeý jumystary atqarylýda.