Sońǵy on jylda elimizdiń negizgi avtojol jobalarynda sementbetonnan jabyndy tóseý baǵytynda qyrýar jumysatqarylǵan. Mamandar atalǵan materıal ózge jol tósemderine qaraǵanda áldeqaıda berik jáne uzaqqa shydas beretinin aıtady, dep habarlaıdy Egemen.kz
Búgingi tańda Qazaqstandaǵy betondy joldardyń uzyndyǵy 1,6 myń shaqyrymdy quraıdy. Mundaı jabyndy "Nur-Sultan-Shortańdy", "Nur-Sultan-Ereımentaý-Shiderti", "Almaty-Shelek-Qorǵas", "Almaty-Taldyqorǵan", "Almaty-Taraz-Shymkent-Tashkent", "Shymkent-Túrkistan", "Nur-Sultan-Qaraǵandy" tasjoldarynyń ýchaskelerinde bar.
Jolshylar sementbetondy "qatty jol kıimi" dep ataıdy. Aıtýlarynsha, atalǵan jabyndy 30 jylǵa deıin qyzmet kórsetedi.
"Betonnan jasalǵan joldar 25-30 jylǵa deıin shydas beredi. Asfaltbeton jabyndysy bolsa, 9-20 jylǵa deıin qyzmet kórsetedi. Beton joldar, negizinen aýyrjúktasyǵysh kólikterdiń júrisin qamtamasyz etý úshin salynady. Mysaly, Qazaqstan Respýblıkasynda "Batys Eýropa – Batys Qytaı" halyqaralyq kólik dáliziniń jartysy sementbetonnan tóselgen. О́ıtkeni atalǵan jol aýyrjúkti kólikterdiń uzaq merzimdi qozǵalysyna arnalǵan. Sol úshin atalǵan kúre joldyń qurylysynda sementbeton qoldanyldy", deıdi "QazjolǴZI" AQ prezıdenti, professor Baǵdat Teltaev.
Kóp jyldar boıy qyzmet kórsetýge qaýqarly, tozýǵa tózimdi ári berik beton tasjoldary únemi jóndeýdi qajet etpeıdi. Osylaısha óziniń qurylysyn aqtaıdy. Mamandardyń sózinshe, atalǵan materıaldyń taǵy bir mańyzdy basymdyǵy – jaryq shaǵylystyratyn qasıeti bar. Bul osyndaı joldy jaryqtandyrýǵa qajetti shyǵyndardy 15%-ǵa deıin qysqartýǵa múmkindik beredi.
Betonnan tóselgen kúre joldar bizdiń elge klımattyq jaǵdaılary uqsas memleketterde, atap aıtsaq, Kanada, Shvesııa, AQSh, Germanııa, Koreıa men Qytaıda uzaq jyldar boıy paıdalanylyp keledi.
Taý etekterindegi aýdandardyń betonnan tóselgen joldary kóktaıǵaqqa beıim bolady. Sol úshin de qum-tuzdy qosyndydan bólek, túrli tuzdy quramdar sebiledi. Olar nebári 10 mınýttyń ishinde kóktaıǵaqtan arylýǵa kómektesedi. Budan bólek, sementbetondy jabyndy bar ýchaskelerde emýlsııa-mıneraldy qospalardan turatyn jińishke tozý qabattary tóseledi. "SlarrıSıl" nemese "Mıkrosıýrfeısıng" qospalaryn qoldaný shınalardyń ilinisý kórsetkishterin arttyryp, jol jamylǵysynyń buzylýyna jol bermeıdi.