QR Premer-Mınıstri Asqar Mamınniń tóraǵalyǵymen QR aýmaǵynda koronavırýs ınfeksııasynyń taralýyna jol bermeý jónindegi Vedomstvoaralyq komıssııanyń (VAK) selektorlyq otyrysy ótti, dep habarlaıdy Egemen.kz primeminister.kz-ge silteme jasap.
Komıssııa teatrlar men meshitterdiń jumysyna qatysty birqatar sheshim qabyldady.
"Bıyl 2 qarashadan bastap ruqsat etilsin:
- 30%-ǵa deıin tolyǵýmen, biraq zalda 100 adamnan asyrmaı, teatrlardyń jumys isteýine (áleýmettik ara qashyqtyqty, maska rejımin, termometrııany, qatań sanıtarlyq-dezınfeksııalyq rejımdi saqtaýmen);
- juma namazyn qospaǵanda, meshitterde ujymdyq namaz (bes namaz) ótkizýge, biraq zalda 100 adamnan asyrmaı (2 m áleýmettik ara qashyqtyqty, maska rejımin, termometrııany, qatań sanıtarlyq-dezınfeksııalyq rejımdi saqtaýmen)", delingen komıssııa sheshiminde.