Qarajat jymqyrý boıynsha 46 qylmys tirkelgen

Jyl basynan beri bıýdjet qarajatyn jymqyrý deregi boıynsha 46 qylmys tirkelgen. Anyqtalǵan qylmystardyń ne­gizinde memleketke keltirilgen zalal­dyń jalpy quny 1 mlrd 142 mln teńgeni quraǵan, onyń 1 mlrd 134 mln teńgesi, ıaǵnı 99%-y óndirilgen. Bul derekter Túrkistan oblysynyń ákimi О́mirzaq Shókeevtiń tóraǵa­lyǵy­men ótken Sybaılas jem­qor­lyqqa qarsy is-qımyl jónin­degi komıssııa otyrysynda málim etildi. Komıssııa otyrysynda sy­baılas jemqorlyqqa qarsy is-qımyl salasyndaǵy zańnamalyq jańashyldyqtar tanystyrylyp, Agenttiktiń Túrkistan oblysy boıynsha departamenti tarapynan atqarylǵan jumystar baıandaldy. Alqaly jıyn­da óńir basshysy О́mirzaq Estaıuly zańmen bekitilgen ózgeristerdiń mańyzdylyǵyn alǵa tartyp, ashyq­tyq prınsıpi arqyly halyq­qa qolaıly qyzmet kór­setýge aıryqsha basymdyq berý qajettigin jetkizdi. «О́zine se­nim­di adam ǵana eshnárse jasyrmaıdy. Durysty – durys, burysty burys deý úshin aqıqat pen ashyqtyq qajet. Túrkistan óńirine qatysty jaǵymsyz, jalpy túsinikten arylýymyz kerek. Kerisinshe, biz elimiz boıynsha jemqorlyqpen udaıy kúresip, ony anyqtap, aldyn alýdan aldyńǵy qatardamyz. Jemqorlyqpen pármendi kúres nátıjeli. Bul baǵyttaǵy jumys kúsheıedi. Qylmystyń ashylýyna ymyrasyzdyq pen ashyqtyq áser etedi», dedi О́mirzaq Shókeev.          Al departament basshysy­nyń birinshi orynbasary Mı­ras Qarǵabaı 9 aı ishinde júrgi­zil­gen ishinara taldaýdyń ná­tı­je­sin­de memlekettik or­gan­dar­dyń qyz­metinde norma­tıv­tik-quqyqtyq ak­­tiler men uıym­dastyrýshylyq-bas­qarý­shy­lyq qyz­mettegi birqatar sybaılas jemqorlyq táýekelderin atady. Naqtyraq aıtsaq, muqtajdar esebinde turatyn azamattarǵa tur­ǵynjaı berýde kezektilikti saq­tamaý jáne memlekettik ataýly áleý­mettik kómekti taǵaıyndaý bary­synda zańbuzýshylyq týyn­daıtyny anyq­­­talyp, soǵan sáı­­kes táýe­­kel­­­derdi joıý maq­sa­­tyn­da Departament jol­­daǵan 73 usynystyń 58-i oryn­dal­ǵanyn atap ótti. Sondaı-aq jıyn­da «Túrkistan – adaldyq ala­ńy» jobalyq keńsesiniń aıasynda ob­lysqa qarasty ákimdikterdiń ja­­ńa jumys úlgisine kóshýi ne­gizinde óńir turǵyndary mem­le­kettik qyzmetterdi sapaly, jedel jáne kedergisiz alýyna múmkindik beretin «servıstik ákimdikterdiń» ashylý máselesi talqylandy. Bú­gingi kúni jańa úlgidegi ákimdik Túr­kistan, Ken­taý qalalary men Sozaq, Tólebı, Túlkibas, Keles aýdandarynda ashylǵan, osyǵan sáıkes komıssııa otyrysynda oblys ákimi tarapynan barlyq qala, aýdandaǵy ákimdikterdiń jyl so­ńyna deıin «Servıstik ákimdik» úlgisine kóshýi boıynsha naqty tapsyrma berildi. Komıssııa otyrysynda sóz alǵan Túrkistan oblysy Polısııa departamentiniń bastyǵy Qaırat Dálbekovtiń aı­týynsha, quqyqbuzýshylyqtyń aldyn alý, boldyrmaý jáne jolyn kesýde «Turaqty arnaıy mobıldi top» tosynnan tekserý jumystaryn kú­sheıtken jáne búgingi kúni qosymsha tálimgerler, ofıserlik jáne áıel­der keńesi jumys isteýde.

Agenttiktiń oblys boıyn­sha departamenti Tergeý basqar­ma­­synyń óndirisinde 336 qyl­­mys­tyq is bolǵan, onyń ishinde 190-y oblystyq departamentte tirkelgen. Mı­ras Qarǵabaı óndiriste bol­ǵan isterdiń 254-i bo­ıynsha túp­kilikti prosessýaldyq sheshim qa­­byldanyp, onyń 94 isi aıyptaý aktisimen sotqa joldanǵanyn jet­kizdi. Árbir aıaqtalǵan is bo­ıynsha aldyn alý sharala­ryn kún­delikti júrgizýdiń ná­tı­jesinde sotqa joldanǵan jáne aqtamaıtyn negizben toqtatylǵan ister boıynsha zań buzýshylyqtarǵa yqpal etken mán-jaılardy joıý jónindegi usy­nystardy engizý kórsetkishi 100%-ǵa jetken. Atap aıtqanda, 9 aıda 83 usynys joldanyp, onyń 70-i qaralyp, 46 laýazymdy tulǵa, onyń 13-i birinshi basshy túrli deńgeıdegi tártiptik jaýapkershilikke tar­tylǵan. Mekeme ujymynyń qa­ty­sýymen – 41, al basshylardyń qatysýymen  30 usynym qaralǵan, sotqa joldanǵan qylmystyq ister boıynsha usynystardyń barlyǵy memlekettik organdarǵa jol­danǵan. Budan bólek, sybaılas jemqorlyq quqyqbuzýshylyq faktisi týraly habarlaǵan nemese sybaılas jemqorlyqqa qar­sy is-qımylda ózge de jolmen jár­demdesken 10 tulǵaǵa 1,7 mln teńge kóleminde aqshalaı syıaqy berilgen. Agenttiktiń 1424 Call-ortalyqqa Túrkistan óńirinen habar­lasqan azamattardyń ber­gen aqparaty arqyly 9 qylmys­tyq is tirkelgen. Jedel áreket etý amaldaryn júrgizýdiń nátı­je­sinde laýazymdy tulǵalar pa­­ra alý faktisimen ustalyp, 3 qyl­­mystyq is sotqa joldanǵan. «Qoǵamda sybaılas jemqorlyqqa qarsy mádenıetti qalyptastyrý baǵytynda oblys kóleminde jyl basynan beri 700 myńǵa jýyq adamdy qamtyǵan, jalpy sany 1337 túrli baǵytta is-shara ótti. Negizinen, bul sharalar Sybaılas jemqorlyqqa qar­sy is-qımyl agenttigi iske asy­rǵan jobalar sheń­­­berinde ót­kizilip keledi», dedi Mıras Asqarbaıuly.

«Memlekettik satyp alýdyń biryńǵaı terezesi» aqparattyq-taldaý júıesi arqyly satyp alý salasyna júrgizilgen monı­torıngtik jumystardyń nátı­jesinde sońǵy 9 aı ishinde jalpy somasy 822 mln teńgeden astam bıýdjet qarajaty únemdel­gen. Sondaı-aq departament bas­shysynyń birinshi orynbasary sybaılas jemqorlyqqa qarsy múldem tózbeýshilik mádenıetin qalyptastyrý árbir el azamatyna júktelgen ortaq mindet ekenin alǵa tartyp, qandaı da bir sybaılas jemqorlyq quqyq­buzýshylyq derekteri týraly málimetti táýlik boıy jumys isteıtin Agenttiktiń 1424 Call-ortalyqqa habarlaýǵa bolatynyn jetkizdi.

Túrkistan oblysy