Qostanaı oblysynda zeınetkerge qaraqshylyq shabýyl jasaǵan top músheleri táýlikke jetpeı quryqtaldy. Teksere kelgende, ony uıymdastyrýshynyń áıel adam ekeni anyqtaldy. Bir qyzyǵy, toptyń dem berýshisi tonaýǵa ushyraǵan 72 jastaǵy qarııanyń jaqsy tanysy eken.
Qostanaı oblysynda zeınetkerge qaraqshylyq shabýyl jasaǵan top músheleri táýlikke jetpeı quryqtaldy. Teksere kelgende, ony uıymdastyrýshynyń áıel adam ekeni anyqtaldy. Bir qyzyǵy, toptyń dem berýshisi tonaýǵa ushyraǵan 72 jastaǵy qarııanyń jaqsy tanysy eken.
Oblystyq ishki ister departamenti baspasóz qyzmetiniń málimetinshe, oqıǵa 18 qarasha kúni oryn alǵan. Sol kúni túngi saǵat 1 shamasynda kúdiktiler kólik jaldap, zeınetker turatyn Aqqudyq aýylyna tartyp ketedi.
«32 jastaǵy áıel Aqqudyq aýylynda zeınetaqy alatyn qarııanyń turatynyn jaqsy bilgen. Munyń ústine, zeınetkerdiń jalǵyzbasty ekeni ózine aıan bolǵasyn, ol arnaıy top quryp, ony tonaýdy uıymdastyrýǵa bekinedi. Al topqa 1988 jáne 1990 jyldary týǵan eki jas jigitti tartady», – delingen habarlamada.
Olar kózdegen úılerine kelip, onyń esigin syndyryp, ishke kiredi de, kempirdi pyshaqpen qorqytyp, aqsha berýin talap etedi. Qaraqshylar qarııanyń aqsha joq ekenin aıtyp qarsylasqanyna qaramastan, bólmelerdi tintip júrip, 12 myń teńge taýyp alady. Olar buǵan qosa keıýananyń uıaly telefonyn da ala ketedi.
Munyń bárin bilgen boıda zeınetkerdiń kórshisi dereý quqyq qorǵaýshylarǵa habar beredi. Ol artynsha jetip kelgen polıseılerge tonaýshylardy syrttan basqaryp turǵan áıeldiń túr-túsin sýrettep beredi. Tártip saqshylary osy belgileri negizinde uıymdasqan úsheýdi tap bastyrmaı ustaıdy.
Qurysh NURYMBET.