Qyzylorda oblysynyń Aral aýdanynda tótenshe jaǵdaı mamandary men polısııa, jergilikti ákimdik qyzmetkerleri ańǵa ketip, oralmaǵan adamdy izdep jatyr, dep habarlaıdy Egemen.kz.
Keshe osy aýdandaǵy Qaratereń eldi mekeninen Aral teńizine qaraı úsh adam qus atýǵa shyǵady. Birneshe saǵattan keıin ańshylardyń biri joǵalyp ketip, qasyndaǵy serikteri ony izdeýge kirisipti. Habarsyz ketken 46 jastaǵy azamat Aqtóbe qalasynan kelgen bolyp shyqty.
Búgingi izdeý jumystary "Kókaral" bógetinen bastaldy. Izdestirý jumystaryna Qyzylorda oblysy О́rt sóndirý qyzmeti Jedel-qutqarý jasaǵynan 4 qutqarýshy, 1 tehnıka, jergilikti polısııadan 8 qyzmetker, 2 tehnıka jáne aýdan ákimdiginen 5 qyzmetker, 2 tehnıka jumyldyrylyp otyr.Izdeýshiler bógetten 30 shaqyrymǵa deıin uzap, kól mańaıyndaǵy batpaqty aýmaqty sholyp shyqty.
Qyzylorda oblysy