Bıýdjet qarajaty tıimdi jumsalýy kerek

Qosymsha qarjy koronavırýspen kúreske jumsalady

Respýblıkalyq bıýdjetti naqtylaý pandemııamen kúres jumystaryn qarjy­lan­dyrýǵa, memlekettiń áleýmettik mindet­terin oryndaýǵa, «Nurly jol», «Nur­ly jer» memlekettik baǵdarlamalary aıasyn­da ekonomıkanyń naqty salalaryn qol­daý­ǵa, agroónerkásiptik keshendi damytýǵa já­­ne ındýstrııalyq-ınnovasııalyq damý baǵ­­dar­lamalaryn iske asyrýǵa baǵyt­talǵan.

Zań jobasy jóninde baıandama ja­sa­ǵan Ulttyq ekonomıka mınıstri Rýs­lan Dálenov 2020 jylǵa arnalǵan naqty­lanǵan áleýmettik-ekonomıkalyq damý boljamyn aıtyp berdi. Vedomstvo basshynyń aıtýyn­sha, ony anyqtaý barysynda myna faktorlar negizge alynǵan.

«2019 jylǵy ishki jalpy ónim boıyn­sha ózektendirilgen eseptik derekter, bıylǵy jyl basynan bergi jedel derekter, munaı óndirýdiń josparyn túzetý, sondaı-aq álemdik naryqtaǵy munaıdyń baǵalanýyn eskerdik.

2019 jylǵy ózektendirilgen ishki jalpy ónim kólemi 0,9 trln teńgege artyp, 69,5 trln teńgeni qurady. Bul bıylǵy bol­jamdy esepteý bazasyn ulǵaıtty. Son­daı-aq boljamda ekonomıkanyń naqty sektoryndaǵy, qyzmet kórsetý salasyn­daǵy úrdisteri men munaı baǵasynyń konıýnktýrasy eskerildi. Álemdik ekonomıka ósimi Halyqaralyq uıymdardyń konsensýs-boljamy boıynsha bıyl mınýs 5 paıyzdy quraıdy, al 2021 jylda ósim kútiledi.

Halyqaralyq uıymdar Qazaqstan eko­nomıkasynyń naqty ósimin bıylǵy mınýs 2,3 paıyzdan mınýs 2 paıyz aralyǵynda baǵalaıdy. Kelesi jylǵa turaqty ósimdi boljap otyr.

Ekonomıka sektorlarynyń aǵymdaǵy úrdisterin eskere otyryp, bizdiń baǵa­laýy­myz boıynsha, 2020 jylǵy naqty ishki jalpy ónimniń ósimi mınýs 2,1 paıyz­dy quraıdy. 2020 jyly nomınaldy ishki jalpy ónim 69,8 trln teńge kóleminde josparlanǵan. Ol buryn naqtylanǵan kórsetkishten 102 mlrd teńgege joǵary. Bul 2019 jylǵy bazalyq kórsetkishterdiń ósýimen baılanysty», dedi R.Dálenov.

Ekonomıkanyń naqty sektory salalarynda ósý boljamy jaqsarǵan. Qurylys 6,5 paıyzǵa, aýyl sharýashylyǵy 4,9 pa­ıyzǵa, óńdeý ónerkásibi 3,7 paıyzǵa ósedi dep boljandy. Bul rette shekteý sharalary saldarynan qyzmet sektorlarynyń ósý qar­qyny tómendetildi.

«Munaıdyń eseptik baǵasyn eskere otyryp, boljamdyq baǵany 20 dollardan 40 dollarǵa deıin arttyrý usynylady. Qańtar-qyrkúıekte munaıdyń ortasha baǵasy bir barrelge 42 dollardy qurady. Naqtylanǵan jospar boıynsha munaı óndirý kólemi 85 mln tonnany quraıdy. Taýarlar eksporty 45,5 mlrd dollarǵa deıin artady, ımport 33,8 mlrd dollardy quraıdy. Osylaısha, oń saýda teńgerimi 3,2 mlrd-qa ulǵaıyp, 11,7 mlrd dollar kóle­minde boljanady», dedi mınıstr.

Budan keıin sóz alǵan Qarjy mınıstri Erulan Jamaýbaevtyń aıtýynsha, 2020-2022 jyldarǵa arnalǵan respýblıkalyq bıýdjetti naqtylaý týraly zań jobasy medısınalyq qyzmetkerlerge mate­rıal­dyq qoldaý kórsetýge baǵyttalǵan. Son­daı-aq COVID-19-dyń taralý múm­kindiginiń ekinshi tolqynyna qarsy bel­sendi sharalar qabyldaýǵa arnalǵan.

«Osy máselelerdi sheshý úshin 238,7 mlrd teńge somasynda qosymsha qar­jy kózdeldi. Shyǵystar mynadaı ba­ǵyt­tarǵa jumsalady. Karantın is-shara­laryn júrgizýge tartylǵan medısına qyz­met­kerlerine jalpy somasy 143,4 mlrd teńgege qosymsha aqy tólenedi.

Tegin medısınalyq kómektiń kepil­den­dirilgen kólemi sheńberinde COVID-19-dyń taralýyna jol bermeý maqsatynda me­dısınalyq qyzmetterge aqy tóleýge 83,2 mlrd teńge jumsalady. Ishki is­ter organdarynyń qyzmetkerlerine epıde­mııaǵa qarsy is-sharalarǵa qatysqany úshin 11,7 mlrd teńge syılyqaqy tólenedi.

Ákimshiler usynǵan qarajatty qaıta bólýdi eskere otyryp, ekonomıkanyń naq­ty sektoryn damytýǵa jáne kúsh qury­lym­daryn áleýmettik qoldaýǵa 261,7 mlrd teńge soma bólinedi», dedi mınıstr.

Vedomstvo basshysynyń aıtýynsha, osy qarajat esebinen óndiristi ynta­lan­dyrýǵa baǵyttalǵan birqatar sharalar men jobalardy iske asyrý jáne halyqtyń ómir súrý sapasyn jaqsartý men tabysyn ulǵaıtý josparlanyp otyr.

«Nurly jol», «Nurly jer», agro­óner­kásiptik keshendi damytý jáne basqa memlekettik baǵdarlamalardyń is-shara­laryn jetkilikti qarjymen qamtamasyz etý kózdelgen. Budan basqa, bıýdjetti naq­tylaý sheńberinde Prezıdent Jarlyǵyna sáıkes memlekettik organdar qurý jáne qaıta uıymdastyrý boıynsha qarajatty qaıta bólý júzege asyryldy. Nátıjesinde, respýblıkalyq bıýdjettiń parametrleri kelesideı qalyptasty. Respýblıkalyq bıýdjet túsimderi 12 trln teńge kóleminde anyqtaldy. Tapshylyq ishki jalpy ónimge 3,5% deńgeıinde saqtaldy. Respýblıkalyq bıýdjet shyǵystarynyń kólemi 14,5 trln teńgeni quraıdy», dedi E.Jamaýbaev.

 

Azyq-túlikke joǵary baǵa saqtalady

Ulttyq bank tóraǵasynyń orynbasary Aqyljan Baımaǵambetov respýblıkalyq bıýdjet ólshemderin naqtylaý sheńberinde aqsha-kredıt saıasaty kórsetkishteriniń boljamyn usyndy.

«Bul boljamdar joǵary belgisizdik jaǵdaıynda burynǵysha syrtqy kútil­megen ózgerister áserinen damyp otyrǵan álemdik ekonomıkadaǵy qazirgi ahýal negizinde jasaldy.

Birinshiden, koronavırýs pande­mııa­synyń damýy orta merzimdi perspektıvada álemdik ekonomıkaǵa áser etetin bas­ty faktorlardyń biri. Ekinshiden, pan­demııaǵa baılanysty ahýaldyń nasharlaý táýekelderimen qosa, AQSh pen Qytaı arasyndaǵy saýda qarama-qaıshylyqtary, Reseıge qatysty sanksııalyq rıtorıkanyń kúsheıýi jáne basqa da geosaıası faktorlar álemdik ekonomıkaǵa qosymsha qysym jasaıdy.

Úshinshiden, álemdik qarjy jáne ta­ýar naryqtarynyń, álemdik ekonomıkanyń qarqyny baıaýlaýyna baılanysty qaýip­tiń ósýi, ásirese munaı naryǵynyń qubyl­maly bolýy áser etip otyr. Sondaı-aq AQSh-taǵy prezıdenttik saılaý jáne AQSh tarapynan yntalandyrý sharalary paketiniń mólsheri de syrtqy naryq úshin ózektiligin joǵaltqan joq», dedi A.Baımaǵambetov.

Ulttyq bank tóraǵasy orynbasarynyń aıtýynsha, osy faktorlardy eskere otyryp, halyqaralyq uıymdar qaıtadan boljam jasaǵan. Soǵan sáıkes, Halyqaralyq valıýta qory 2020 jyly ishki jalpy ónim mınýs 4,9 paıyzdan mınýs 4,4 paıyzǵa deıin tómendeıtinin aıtady.

Áıtse de, álemdik ekonomıka 2021 jyldan bastap qalpyna keledi dep kútiledi. Boljamǵa sáıkes, daǵdarystan áýeli damyǵan elder shyǵa bastaıdy. Tómen baza aıasynda álemdik ekonomıkanyń ósýi 2021 jyly 5,2 paıyzǵa jetip, orta merzimdi perspektıvada 3,5 paıyzǵa deıin baıaýlaıdy.

«Qyrkúıekte qatarynan eki aı boıy ınflıasııa 7 paıyzdyq deńgeıde turaq­tanǵany baıqalady. Oǵan azyq-túlik ınflıasııasy negizgi úles qosyp otyr. Ol aldyńǵy aımen salystyrǵanda, 0,1 paıyzǵa tómendep, aǵymdaǵy jylǵy qyrkúıekte 10,8 paıyzdy qurady. Et jáne nan-toqash ónimderi naryqtaryndaǵy baǵa ósýiniń jyldyq qarqyny baıaýlaǵany mańyzdy ımporttyq quramy bar taýarlar tobynyń baǵasy óskeni baıqalady.

Karantın sharalaryna jáne saýda obektileriniń jumysyn shekteýge baılanysty tutynýshylyq suranys tómendeýi saldarynan azyq-túlikke jatpaıtyn naryqtaǵy ınflıasııa 5,5 paıyzdy qurady.

Aqyly qyzmetter baǵasynyń jyldyq ósýi sońǵy aıda 3,4 paıyzdan 3,6 paıyzǵa deıin ósti. Retteletin kommýnaldyq qyz­met­tiń 0,7 paıyzǵa, atap aıtqanda, elektr energııasynyń 6,6 paıyzǵa qymbat­taýy aqyly qyzmetter ınflıasııasyn je­deldetti. Bilim men baılanys qyzmet­teriniń tıisinshe 3,3 paıyzǵa jáne 2,1 paıyz­ǵa qymbattaýy da qyzmetter baǵasy­nyń jalpy ósýine yqpal etti. Ult­tyq banktiń baǵalaýy boıynsha, 2020 jyl­dyń sońyna deıin azyq-túlik ónimde­riniń joǵary baǵasy saqtalady», dedi A.Baımaǵambetov.

Ulttyq bank tóraǵasynyń orynbasary qazirgi ahýaldardy saralaı kele, Ulttyq bank álemdik jaǵdaıdy muqııat qadaǵalap, baǵa men qarjylyq turaqtylyqty qamtamasyz etý, sondaı-aq ekonomıkany qalpyna keltirýge qolaıly jaǵdaılar jasaý úshin barlyq qajetti sharalardy qabyldaıtynyn jetkizdi.

Budan keıin sóz alǵan Senat Tóraǵasy búgin qabyldanǵan zańnyń elimiz úshin mańyzy zor ekenin aıtty. Onyń aıtýyn­sha, osy zań jobasyn qabyldaý ekonomıkalyq ósimdi qalpyna keltirip, indetpen kúresýge baǵyttalady.

«Respýblıkalyq bıýdjetti naqtylaý Prezıdentimizdiń bıylǵy Joldaýynda aıtylǵan áleýmettik tapsyrmalardy oryndaýǵa, ekonomıkalyq ósýdi qalpyna keltirýge jáne pandemııamen kúresýge baǵyttalǵan. Shyn máninde, bıylǵy jyl indetke baılanysty ońaı tıip jatqan joq. Soǵan qaramastan, Prezıdentimiz memlekettiń halyq aldyndaǵy áleýmettik mindetterin oryndaý úshin bar múmkindikti jasap keledi», dedi Máýlen Áshimbaev.

Senat Spıkeriniń aıtýynsha, respýb­lı­kalyq bıýdjetti naqtylaý kezinde áleý­mettik máselelerdi sheshýge, ekonomıkanyń naqty sektorlaryn qoldaýǵa basa mán berilgen.

«Zań jobalaryn talqylaý barysynda Senat depýtattary kóptegen ózekti máse­lelerdi kóterdi. Úkimet olarǵa muqııat nazar aýdaryp, oń sheshý úshin keshen­di jumys júrgizedi dep oılaımyz. Bıýdjet­ten bólingen qarajat sapaly ári tıimdi jumsalyp, halyqtyń ıgiligine, ekonomıkany qalpyna keltirýge baǵyttalady dep senemiz», dedi Senat Tóraǵasy.

Sonymen qatar senatorlar «Qazaq­stan Respýblıkasynyń Ulttyq qory­nan 2020-2022 jyldarǵa arnalǵan kepilden­dirilgen transfert týraly» Qazaqstan Respýblıkasynyń zańyna ózgerister men tolyqtyrýlar engizý týraly» zań jobasyn qabyldady.

Zań jobasynda Ulttyq qordan 2020 jyl­ǵa arnalǵan respýblıkalyq bıýdjetke 4 770 mlrd teńge somasynda kepilden­dirilgen transfert mólsheri belgilengen.

 

Jol sapasy kóńil kónshitpeıdi

Jalpy otyrysta birqatar depýtattyq saýaldar joldandy. Senator Baýyrjan Qanıev Premer-Mınıstr A.Mamınge joldaǵan depýtatyq saýalynda «Ortalyq-Batys» tas jolynyń qurylysyndaǵy kúrdeli máselelerdi kóterdi.

Bul avtojol Nur-Sultan qalasy men Aqmola, Qostanaı, Aqtóbe, Atyraý jáne Mańǵystaý oblystaryn baılanys­tyra­dy. El Úkimetiniń О́ńirlerdi damytý baǵ­dar­lamasynda kórsetilgen ekinshi deńgeıdegi eki qalany biriktiredi. «Astana – Arqalyq – Torǵaı – Yrǵyz –Shalqar – Qandyaǵash» avtomobıl joly boıyndaǵy «Ortalyq-Batys» avtomobıl dáliziniń uzyndyǵy 1 292 shaqyrymdy quraıdy. Onyń ishinde Aq­tóbe oblysynyń aýmaǵymen 518 sha­qyrym ótedi.

Depýtat «Ortalyq-Batys» jobasy aıa­syn­­daǵy problemalarǵa toqtalyp, qolda­nystaǵy respýblıkalyq mańyzy bar «Qan­dyaǵash – Embi – Shalqar – Yrǵyz» jáne aý­dandyq mańyzy bar «Yrǵyz-Nura» avto­mobıl joly kóńil kónshitpeıtin jaǵ­daıda ekenin atap ótti. Sonymen birge, Shal­qar jáne Yrǵyz eldi mekenderiniń ara­syn­daǵy ýchaskede ornalasqan 3 avtojol kópiriniń de jaǵdaıy óte nashar bolyp tur.

Sonymen qatar senator jaǵdaıy óte na­shar «Shalqar-Embi-Qandyaǵash» avtojo­lynyń strategııalyq mańyzyn eskere otyryp, jóndeý jumystaryn birin­shi kezekte joǵaryda kórsetilgen ýchaske­den bastaýdy usyndy. Atalǵan ýchaske bo­ıyn­sha jobalyq-smetalyq qujattama bar kórinedi. Jobany iske asyrý Aqtóbe oblysy men Qazaqstan Respýblıkasynyń kólik áleýetin edáýir keńeıtýge, sondaı-aq av­to­kó­liktiń neǵurlym qaýipsiz qozǵalysyn qamta­masyz etýge múmkindik beretini aıtyldy.

Avtojoldy tıisinshe kútip ustaý jol boıyndaǵy qyzmet kórsetý nysandar ashý arqyly týrızmdi damytatyny, sondaı-aq Qazaqstan Respýblıkasynyń óńirlerimen de, basqa eldermen de taýar aınalymyn arttyrýǵa septigin tıgizetinine nazar aýdaryldy.

Depýtattyq saýalǵa D.Ádilbekov, E.Sul­tanov, S.Aldashev, B.Qanıev, Á.Qur­taev, S. Luqpanov, E. Mamytbekov, L.Rys­be­kova qol qoıǵan.

Odan bólek, bir top depýtat qyl­mys­tyq-atqarý júıesindegi máselelerdi kó­terdi. Depýtat V.Volkov Úkimet basshysyna joldaǵan saýalynda ustalǵandardy ju­mys­pen qamtý máselesin sheshýdi surady. 

Zańnamalyq reformalar men qyl­mys­tyq saıasatty izgilendirýdiń arqasynda túrmedegiler sany 30 myń adamǵa deıin azaıdy jáne Qazaqstan qazirgi ýa­qytta túrme reıtıngi boıynsha álem­de 100-orynda tur. Alaıda bas bostan­dy­ǵynan aıyrý oryndarynda olardyń tek 30%-y ǵana jumys isteý múmkindigine ıe.

Memlekettik satyp alý portaly 2019 jyldan bastap sottalǵandardy jumyspen qamtamasyz etetin kásiporyndarmen, onyń ishinde qylmystyq-atqarý júıesiniń mekemelerimen bir jerden tapsyrys berýshimen tikeleı shart jasasýǵa múm­kindik bermeıdi.

«О́ndiristik eskirgen ınfraqurylym, onyń ishinde qazirgi zamanǵy óndiristik qýat­tardyń bolmaýy, kúrdeli qarjy salý­dyń qajettigi, sondaı-aq tártippen jumys isteıtin obektilerdiń jaǵdaılary kolo­nııa­lardaǵy bıznesti damytýǵa kásipker­lerdi tartpaıdy. Sottalǵandardy jumys­pen qamtý eńbek daǵdylaryn damytýmen qatar, olarǵa talap-aryzdardy óteý jáne jábir­lenýshilerge keltirgen zııandy tóleýge qarjy tabýǵa, sondaı-aq óz otbasy­laryna qarjylyq kómek kórsetýge múmkin­dik beredi», dedi Vladımır Volkov.

Depýtattar bas bostandyǵynan aıyrý túrindegi jazany tıimdi oryndaý jáne olarmen jeke jumysty uıymdastyrý úshin qamaýdaǵylardy kamerada ustaý qa­jet ekenin atap ótti. Jumys istep turǵan 66 túzeý mekemesiniń 9-ynda ǵana kamerada ustaýǵa jaǵdaıy bar eken.

«Halyqaralyq standarttardyń basty talaby – otrıadtyq ustaýdan kameralyq jaǵdaıǵa kóshý. Túzetý kolonııalarynyń kópshiligi ótken ǵasyrdaǵy keńestik qury­lystyń murasy bolyp tabylady, ondaǵy jataqhana baraǵy úlgisindegi bir bólmede 100-120 adam turady. Ǵımarattar men qurylystardyń jaı-kúıin eskere otyryp, 42 túzeý mekemesi qaıta jańartýdy talap etedi», dedi Senat depýtaty.

Senatorlar bul mekemelerde, onyń ishinde laýazymdy tulǵalar tarapynan jasalǵan tártip buzýshylyqtar men qyl­mystardyń aldyn alý jáne aldyn alý úshin beınebaqylaý engizý qajet ekenin atap ótti. Búgingi tańda bul mekemelerdiń 30%-y ǵana beınebaqylaý júıesimen qamtamasyz etilgen.

Senat depýtattarynyń pikirinshe, sottalǵandardy medısınalyq qamtamasyz etý problemalaryna da erekshe nazar aýdarý kerek. Qylmystyq-atqarý júıesin medısınalyq qamtamasyz etý júıesi resýrstar, qyzmet kórsetý sapasy jáne onyń jabyq bolýyna baılanysty baqylaý turǵysynda azamattyq sektormen teń emes jaǵdaıda tur.

Medısınalyq qyzmettermen tolyq qam­tamasyz etilmeýi, arnaýly mamandar­dyń bolmaýy, shuǵyl emdeýge jatqyzý problemalary, eskirgen medısınalyq jabdyqtar bas bostandyǵynan aıyrý oryndaryndaǵy dárigerlik qyzmetterdiń sapasy tómen bolýyna alyp keledi.

Úkimet basshysynyń atyna joldaǵan depýtattyq saýalynda senatorlar Vladımır Volkov, Qanatbek Safınov, Rysqalı Ábdikerov, Sáýle Aıtpaeva, Nurlan Beknazarov, Andreı Lýkın, Sultanbek Mákejanov, Lázzat Súleımen osy saladaǵy aıtylǵan jáne basqa da ózekti máselelerdi zerdeleý, sondaı-aq olardy sheshý jóninde tıisti sharalar qabyldaý qajettigin atap ótti.

Akademık Salyq Zımanovtyń týǵa­nyna kelesi jyldyń aqpan aıynda 100 jyl tolady. Alaıda osy bir aıtýly data Úki­mettiń aldaǵy jyly atap ótetin mereı­toılar tizbesinen tys qalǵan. Muhtar Qul-Muhammed bastaǵan bir top senator Premer-Mınıstrdiń atyna depýtattyq saýal joldady.