Jastar saıasaty máseleleri basqarmasy elordadaǵy jas otbasylarǵa arnalǵan "Otbasylyq demalys" baıqaýynyń bastalǵanyn jarııalady, dep habarlaıdy Egemen.kz ákimdiktiń resmı saıtyna silteme jasap.
Qatysý úshin "Otbasylyq demalys" dep anyqtap, ótinimdi elorda.otbasy@gmail.com elektrondyq poshtasyna nemese +7 705 632 03 32 nómiri boıynsha tirkeý týraly kýáliktiń kóshirmesin; baılanys aqparatyn (telefon nómirleri, turatyn aýdany, áleýmettik jelilerdegi akkaýnttar, otbasy músheleriniń sany) jiberý qajet.
Baıqaý sharty boıynsha 2020 jyly Qazaqstan aýmaǵyndaǵy demalysta túsirilgen( 3-ten 5-ke deıingi) otbasylyq fotosýretterdi (karýsel) Instagram paraqshasyna jarııalaý talap etiledi. Postta qyzyqty faktilerdi, otbasy tarıhyn kórsete otyryp, demalys ornyn sıpattaý kerek. Sondaı-aq #semeınyıotdyh, #Otbasylyqdemalys, #otanotbasynanbastalady, #NSjastary, #OtbasyBakytMekenim heshtegterin kórsetip, @ns_jastary jáne @elorda.otbasy akkaýnttaryna tirkelý qajet.⠀Jeńimpazdar 20 otbasynyń ishinen iriktelip, olarǵa turmystyq tehnıka men elektronıka satyp alýǵa 25 myń teńgeden sertıfıkattar beriledi.⠀"Jeńimpazdardy anyqtaý kezinde fotosýret kreatıvti, mátinniń mazmundy bolýy mańyzdy, tarıhı aspekt, lokasııanyń ereksheligi, reglamenttiń saqtalýy eskeriledi", dep atap ótti uıymdastyrýshylar.
О́tinimder 11 qarashaǵa deıin qabyldanady.